Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Одборот на Универзитетот

 


Членови на Одборот на Универзитетот


Д-р Денис Фарингтон


Денис Фарингтон е образуван во Англија и Северна Ирска и работи во високото образование преку 30 години, претходно во граѓанска служба на Обединетото Кралство. Тој е консултант за образовните реформи во Советот во Европа и други меѓународни тела во 12 држави од 1994, вклучувајќи ги Албанија и Косово, тековно советува во Ерменија и Украина и е автор на 5 учебници за законот за високото образование. Денис стана еден од членовите на меѓународната фондација на УЈИЕ во 2000 и работеше на различни функции за УЈИЕ од 2002. Тој беше избран за претседател на Фондацијата на Одборот на Универзитетот во 2008 и вонреден професор на Правниот факултет во 2011. Тој е член на Оксфордскиот центар за студии на политиките на високото образование,во Универзитетот во Оксфорд и член на тркалезната маса за правото во високото образование на САД –ОК.

Д-р Павел Згага


Павел Згага е професор по филозофија на образованието и образовната политика на Универзитетот во Љубљана каде ја започна својата академска кариера во 1977. Во 1990, во текот на периодот на општествената и политичка транзиција во Словенија, тој беше државен секретар за високо образование и министер за образование и спорт.По неговото враќање во академијата во 2000, тој беше ко-основач на Центарот за студии за образовна политика во Универзитетот во Љубљана и до денес е директор. Тој исто така беше и декан на факултетот за образование. Тој има добиено неколку грантови за истрaжување и раководел со националните и меѓународните проекти за образовна политика. Овие проекти во главно се однесуваат на развојот на високото образование во современ европски контекст . Тој исто така е вклучен во Болоњскиот процес и соработувал со неколку меѓународни организации како на пр. Европската комисија , Советот на Европа, УНЕСКО, ОЕЦД, Светска банка итн. Во 2006 година тој ја доби словенската национална награда за истражување и образование и во 2007 година почесен докторат од Универзитетот во Умеа, во Шведска. Павел е надворешен член на Одборот на Универзитетот на ЈИЕ од 2008.

Д-р Вероника Карева


Др. Вероника Карева има завршено магистерски студии од областа на предавање на англиски јазик на Универзитетот во Индијана, САД и докторски студии на Универзитетот на Југоисточна Европа во Тетово, Македонија. Веднаш по дипломирањето на додипломските студии со две насоки – преведување и предавање, таа е ангажирана од страна на Центарот за странски јазици во Скопје и започнува паралелна кариера и како предавач и преведувач. Вероника е ангажирана на УЈИЕ уште на самото основање како лектор во Јазичниот центар. Две години работи и како Раководител на Центарот за поддршка на наставата во рамките на Универзитетот. Таа е автор на повеќе научни трудови од областа на предавањето на англискиот јазик, а исто така е и универзитетски претставник во Комисијата за реформи во изучувањето на англискиот јазик при Бирото за развој на образование на РМ. Во 2009 таа е назначена на позицијата директор на Јазичниот центар и продолжува да биде активно вклучена во наставниот процес во центарот и на Факултетот за јазици. Таа е назначена за член на Одборот од 2012 година.

Д-р Агон Демјаха


Г-дин Агон Демјаха има завршено Факултет за електротехника во Косово, продолжувасо магистратура во Централноевропскиот универзитет во Будимпешта и докторира на Правниот факултет во Скопје. Во својата професионална кариера, тој бил ангажиран наразлични позиции почнувајќи како асистент на Приштинскиот универзитет, а потоа како директор на Фондацијата Отворено општество невладини организации за развој на граѓанското општество во Косово. Од април 2006 година тој беше македонски амбасадор во Кралството Шведска. Тековно, г-дин Демјахае регионален советник во Министерството за енергетика и Министерството за надворешни работи на Косово. Г-дин Демјахаисто така, учествува наразлични обуки и меѓународни конференции. Тој е исто така активен во истражувањето во компаративна политика и меѓународна политичка економија и тој е автор на неколку универзитетски и научни книги. Агон Демјахае именуван за надворешен член наОдборот на УЈИЕво 2012 година.

Професор Елена Думова Јовановска


Професорката Думова Јовановска е одговорна на Катедрата за теорија на конструкции на Градежниот факултет при Универзитетот „Св. Кирил и Методиј“, Скопје, Р. Македонија. Таа е заменик-декан за образование и наука (2001-2007), заменик-ректор за образование (2008-2012), одговорна на Одборот на докторска школа (2009-2012), регионален координатор на Центарот за докторски студии на Југоисточна Европа - SEEFORM (од 2004), надворешен експерт во Агенцијата за евалуација на високото образование во Република Македонија (2003-2004), член на групата за следење на Болоњскиот процес (2004-2005), член на македонскиот тим за промотори на Болоња (2008-2012), член на групата експерти на Институционалната програма за евалуација на ЕУА (2012-2014). Работејќи на горенаведените позиции таа имала можност: да се вклучи во дефинирање и во извршување на образовната и истражувачка политика на факултетот/универзитетот, да учествува во националните тела за имплементација на Болоњскиот процес, да биде вклучена во процесот на воведување европски стандарди во високото образование и во истражувачките дејности на ниво на факултет/универзитет во Македонија, да учествува во процедурата за акредитација на високообразовните студиски програми. Нејзиниот интерес во истражувањето е во областа на структурните анализи и на инженерството на земјотреси.

Неби Хоџа


Неби Хоџа е дипломиран електро-инженер од Универзитетот во Приштина. По дипломирањето тој е ангажиран како управител во занаетчиската компанија - Смарагд, која сега е меѓународна компанија. Во 2003, во Приштина ја основа Американската школа во Косово, акредитирана во Вашингтон. Од 2006 год. тој е во партнерство со фабриката за производство на дрво „Тефик Чанга“ и продолжува со проширување со три нови компании како што се: Дивани, Деко и Тедес Контаркт сите во областа на мебелот и внатрешен дизајн. Покрај производството, Неби Хоџа е познат и како основач на компанијата „Рубин инвест“ во областа на градежништвото. Сите овие копании се дел од групацијата OXA, каде што е исто основач и член на Одборот на директори . Истовремено, дополнително на приватниот сектор тој е активен и во невладиниот сектор како член на Одборот на Асоцијацијата Еснаф, член на Одборот на директори на Албанската Фондација за стипендии, член на Балканската златарска асоцијација, четири години во Извршниот Одбор на Стопанската комора на Северозападна Македонија и сега за две години во својство на претседател на Стопанската комора на Северозападна Македонија. Хоџа во текот на својата кариера и живот има завршено многу специјализации и е сертифициран во бизнис администрација, во Меѓународната трговска школа – Професионална Форекс Трговија .

Насир Селими


Насир Селими е професор на Факултетот за бизнис и економија на Универзитетот на Југоисточна Европа во Тетово од 2002 година. Тој го завршил своето образование во неговиот роден град и во Приштина. Ја започнал својата професионална кариера како економист во бизнис-секторот, а во 1992 година (на првите повеќепартиски избори) бил избран за заменик-претседател на Општинското собрание во Гостивар. Во периодот 1996-2001 година бил назначен за генерален конзул во Генералниот конзулат на Р. Македонија, со седиште во Њујорк, САД. Во периодот 2002-2003 година бил директор на филијалата на Стопанска банка АД-Скопје во Гостивар. Во 2003 година тој беше назначен за продекан за академски прашања на Факултетот за бизнис администрација, УЈИЕ, а од 2004 до 2008 година, тој беше декан на истиот факултет. Областите на кои професор Селими особено се посветува се меѓународната економија и економијата. Освен работа како предавач и одговорен на Факултетот, учествувал на научни конференции и во државава и во странство и во реализација на разни проекти како национални така и меѓународни. Има објавено неколку научни трудови во странски журнали и во журнали на мајчин јазик; Проф. Селими има објавено и неколку книги и учебници од областа на економијата и меѓународната економија

Д-р Џудитан Скорфилд Мек Лаклан


Д-р Џудитан Скорфилд Мек Лаклан ( Универзитет во Ратгерс 2003) е вонреден професор за политички науки и основачки директор на Центарот за граѓанско ангажирање на Универзитетот во Јужна Флорида св. Петерсбург каде што предава предмети за Американската влада и Јавното право.Универзитетот на Јужна Флориода (УЈФ) ѝ додели награда за извонреден академски кадар, награда од ректорот на УЈФ за извонредност во наставата и Американската асоцијација за политички науки и сертификат Пи Сигма Алфа за извонредна настава по политички науки. Покрај нејзините истражувања, публикации и научни активности, професорката Мек Лаклан има долгогодишно искуство во американската Влада: Мек Лаклан работела во Врховниот суд на САД, Комитетот за правосудство на САД во Сенатот, Министерството за правда на САД и Белата куќа. Мек Лаклан била Фулбрајт истражувач во Молдавија во 2010 и 2012 година („Уставно право, политика и судски процес“) и Фулбрајт научник во Македонија („Владеење на правото и граѓанско општество“) во 2017 година, каде што предавала уставно право и граѓанство курсеви на Универзитетот во Тетово и на УЈИЕ.

Проф. д-р Азир Алиу


Проф. д-р Азир Алиу тековно предава на Факултетот за современи науки и технологии, Универзитетот на Југоисточна Европа и работи како директор на Технолошкиот парк во Тетово. Тој исто така работел како продекан на Факултетот за современи науки итехнологии и директор на Центарот за истражување на Факултетот за современи науки и технологии. Тој бил советник на Премиерот на Република Македонија за високо образование, наука и информатика. Тој бил ангажиран како експерт во проекти на ЕУ и консултант во реформите во образованието. Бил член на Националниот комитет за иновации и претприемништво и на Комитетот за следење на квалитетот на стручната обука и промовирањето на доживотното учење во РМ. Има одлично искуство во изготвување национални стратешки, политички и рамковни документи. Тој покажа извонредни резултати и создаде вредни резултати за академската заедница и нејзините перспективи. Има реализирано неколку грантови и ги насочи националните и меѓународните проекти за политиката за истражување, иновации и образование. Д-р Азир Алиу има висока академска позиција и голем дел од неговите активности се посветени на развојот, одржувањето и подобрувањето на тројниот хеликс и претприемничкиот екосистем на Универзитетот на ЈИЕ.

Google+