Правен факултет

Нашите програми во сите циклуси на студии нудат голем број правни дисциплини и дисциплини по криминалистика со цел постојано унапредување на професионалното образование по право, во согласност со највисоките стандарди за квалитет, обезбедувајќи голем придонес кон натамошниот развој на правниот систем, правната наука и правната професија во   земјава и пошироко.

Нашите програми се создадени во согласност со Болоњскиот процес и европското искуство преку целосна имплементација на Европскиот кредит трансфер систем, овозможување на мобилност на студенти во земјава и во странство, со што се потврдува признавањето на дипломата од европските земји кои се вклучени во Болоњскиот процес.  

Нашите програми исто така го стимулираат критичкото размислување, со цел нашите студенти да бидат слободни и почитувани личности во професионален аспект во нашава земја, во регионов и во Европската Унија.

Факултетот веќе традиционално, во април организира студиски посети со студентите од VI   семестар на правни факултети и важни институции во Европа, како   и на: Меѓународниот суд во Хаг, Европскиот парламент, Европската комисија, Правниот факултет во Болоња, Правниот факултет во Љубљана, Белгискиот парламент, Европскиот суд за човекови права во Стразбур итн.