COVID-19 Information

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Факултет за бизнис и економија

Факултетот за бизнис и економија (ФБЕ) нуди акредитирани студиски програми на три циклуси на студии: додипломски, магистерски и докторски. Покрај овие академски програми, ФБЕ, во соработка со бизнис-заедницата, нуди специјализирани студии со цел проширување на капацитетите на системот во служба на регионалните и меѓународните потреби на пазарот.

Тековно, Факултетот нуди нови студиски програми, во согласност со трендовите на други меѓународни универзитети, и кои се приспособени да ги задоволат потребите на новиот пазар на трудот. Студентите кои успешно ги завршуваат програмите ќе имаат можност да ги практикуваат знаењата и вештините стекнати за време на своите студии на ФБЕ.

Студентите се во центарот на вниманието на Факултетот за бизнис и економија, каде покрај наставата и учењето во училниците, студентите постојано се поддржани преку онлајн услуги (MySEEU, Webmail, Google Classroom, Library). За секој студент, поддршката што ја дава советникот за студентите е надополнета  со тутор (професор) определен од факултетот, кој ги советува студентите за  академскиот напредок и можностите за кариера.

Студентите кои ќе изберат да студираат на Факултетот за бизнис и економија имаат можност да  следат настава на три јазици: албански, македонски и англиски. Тие имаат можност да учат од искусен наставен кадар и квалификуван од најпрестижните локални и меѓународни универзитети.

Во соработка со овие меѓународни универзитети, како и од јавниот и приватниот сектор, Факултетот за бизнис и економија ги дизајнираше и ги усогласи своите студиски програми и реализира професионален развој на академскиот кадар и подобрување на квалитетот на предавањето и учењето.

Google+