Lajmet e fundit

• Komunikatë për shtyp: Prof. Dr. Pol Foster zgjidhet zëvendësrektor për çështje akademike (provost)

  31 gusht 2010

  Më 30 gusht të vitit 2010, Komiteti Ekzekutiv i Bordit të Universitetit të Evropës Juglindore ka zgjedhur Pol Foster-in (Paul Foster) zëvendësrektor për çështje akademike(provost). Ai, do të jetë funksionari i dytë më i lartë administrativ në UEJL  që do të mbikëqyrë programet akademike në të gjitha aspektet e mësimdhënies dhe mësimnxënies në të dy kampuset, në Tetovë dhe Shkup.

• Doc. Dr. Bekim Fetaji zgjidhet anëtar i komitetit të programit për konferencën ndërkombëtare për ITI për vitin 2011

  25 gusht 2010

  Doc. Dr. Bekim Fetaji, pas angazhimit si recensues i konferencës ndërkombëtare në ITI për vitin 2010 ( libri me listën e recensuesve mund të gjendet në Bibliotekën Maks Van Der Shtul), është zgjedhur anëtar i komitetit të programit për konferencën ndërkombëtare për ITI për vitin 2011.

• Publikim ndërkombëtar i librit të autorëve Prof.Dr. Nexhbi Veselit, Doc.Dr. Veland Ramadanit dhe Mr.Gadaf Rexhepit, me titull: "Marketingu direkt dhe biznesi i vogël"

  19 gusht 2010

  "Marketingu direkt dhe biznesi i vogël" është libri më i ri i autorëve  Prof.Dr. Nexhbi Veselit, Doc.Dr. Veland Ramadanit dhe Mr. Gadaf Rexhepit, ligjërues në Fakultetin e Biznesit dhe Ekonomisë në UEJL. Ky libër është botuar  nga botuesi me renome botërore Lambert Academic Publishing nga Gjermania (ISBN e librit: 978-3-8383-8835-9).

• Elemedina Abdullai në SHBA për bibliotekarinë

  18 gusht 2010

  Elemedina Abdullai prej 21 qershor deri më 9 korrik 2010, ka qëndruar në SHBA në kuadër të programit për lidership për vizitor ndërkombëtarë me titull “Bibliotekat amerikane”. Ky program administrohet në partneritet mes Departamentit të Shtetit, Zyrës për arsim dhe çështje kulturore, Zyrës për vizitorë ndërkombëtarë dhe partnerët nga sektori privat në Uashington dhe qytetet tjera në SHBA.

• Doc dr. Abdulla Azizi në Zagreb për mjekësinë ligjore

  13 gusht 2010

  Doc. dr. Abdulla Azizi prej 8-12 gusht ka marrë pjesë në Kongresin e18-të botëror për mjekësinë ligjore, që u mbajt në Zagreb të Kroacisë.

• Doc.Dr. Brikena Xhaferi mori pjesë në konferencën ndërkombëtare në Universitetin e Baselit, Zvicër

  8 korrik 2010

  Doc.Dr. Brikena Xhaferi nga Fakulteti i Gjuhëve dhe Kulturave të Komunikimit, mori pjesë në konferencën ndërkombëtare në Universitetin e Baselit në Zvicër, të organizuar nga Departamenti i Gjuhës Angleze, mbajtur më 30 qershor deri më 2 korrik, 2010.

• Dr. Ylber Sela, mori pjesë në konferencën ndërkombëtare me titull “Ballkani Perëndimor: mundësi apo sfidë për të ardhmen e Unionit Evropian?”

  8 korrik 2010

  “Politika e Unionit Evropian në Ballkanin Perëndimor”, ishte tema e punimit shkencor e autorit Doc. Dr. Ylber Sela me bashkautor Lirim Shabanin, me të cilën u prezantuan në konferencën ndërkombëtare me  titull” Ballkani Perëndimor: mundësi apo sfidë për të ardhmen e Unionit Evropian?”, që u mbajt në Prishtinë nga 26-27 qershor 2010.

• Albulena Halili mori pjesë në konferencën ndërkombëtare me titull “Ballkani perëndimor: mundësi apo sfidë për te ardhmen e Unionit Evropian?”

  30 qershor 2010

  Albulena Halili mori pjesë në konferencën ndërkombëtare me titull “Ballkani perëndimor: mundësi apo sfidë për te ardhmen e Unionit Evropian?”. Konferenca u organizua nga Qendra e Kosovës për Politikë Publike, me 26-27 qershor 2010, në Prishtinë.

• Titulli honoris causa i ndahet rektorit të parë akademik Alajdin Abazi

  24 qershor 2010

• Presidenti Çek, Vacllav Klaus, vizitoi Universitetin e Evropës Juglindore

  24 qershor 2010

  “Euro-integrimet” ishte tema për të cilën ligjëroi Presidenti i Çekisë, Vacllav Klaus gjatë qëndrimit të tij në UEJL, të martën (22 qershor 2010), të cilën e realizoi në kuadër të vizitës që pati në Maqedoni.

• U promovua gjenerata e gjashtë e absolventëve të UEJL

  22 qershor 2010

  Universiteti i Evropës Juglindore në Tetovë, edhe këtë vit në një ceremoni solemne (5 qershor 2010),  promovoi gjeneratën e  gjashtë të absolventëve. Në këtë ceremoni, përveç studentëve, prindërve dhe stafit akademik e administrativ, morën pjesë edhe një numër i madh i profesorëve, përfaqësues të trupit diplomatik, përfaqësues ndërkombëtarë dhe mysafirë të tjerë të lartë.

• Azir Aliu dhe Halil Snopce në Durrës për mësimin në distancë

  18 qershor 2010

  Azir Aliu dhe Halil Snopce, si përfaqësues të UEJL prej 9-12 qershor 2010, kanë marrë pjesë në takimin e radhës të Projektit Tempus “Europian VICES”, i cili u mbajt në Durrës të Shqipërisë.

• Zëvendësministrja e Jashtme e Shqipërisë, Edit Harxhi në UEJL për “Perspektivat e integrimeve evro-atlantike të Ballkanit Perëndimor”

  17 qershor 2010

  “Perspektivat e integrimeve evro-atlantike të Ballkanit Perëndimor”, ishte tema e tribunës së mbajtur në UEJL, në të cilën mbajti ligjëratën e saj zëvendësministrja e Punëve të Jashtme e Republikës së Shqipërisë, Edith Harxhi. Tribunën e shpalli të hapur rektori i ri Prof. dr. Zamir Dika, me ç’rast ky ishte edhe fjalimi i tij i parë pas zgjedhjes së tij rektor i UEJL. Ai tha se çështja e euro-integrimeve të shteteve të Ballkanit Perëndimor duhet që të preokupojë edhe institucionet arsimore ngase në këtë mënyrë ndihmohet procesi drejt aderimit në Unionin Evropian.

• Universiteti i Evropës Juglindore ka fituar projekt hulumtues të financuar nga RRPP

  15 qershor 2010

  Në maj të vitit 2010, Universiteti i Evropës Juglindore dhe Universiteti i Frajburgut (Programi Rajonal për Promovimin e Hulumtimeve), nënshkruan marrëveshje për një grand hulumtues për realizimin e projektit “Largimi i kuadrit me arsim sipëror dhe roli i diasporës në promovimin e reformave në Ballkan” i udhëhequr nga Abdylmenaf Sejdini.

• Promovohet libri “Specifikat e biznesit të vogël”

  15 qershor 2010

  “Specifikat e biznesit të vogël”, titullohet libri, i cili të hënën (31 maj 2010), u promovua në Fakultetin e Biznesit dhe Ekonomisë, në UEJL. Ky libër është rezultat i një angazhimi të përbashkët të Doc.dr. Veland Ramadanit dhe disa studentëve të tij dhe paraqet një simbiozë të njohurive teorike nga fusha e biznesit të vogël dhe të dhënave empirike, me ç’rast janë anketuar rreth 120 biznese të vogla, të cilat aktivitetin e tyre afarist e ushtrojnë në qytete të ndryshme, si në Shkup, Kumanovë, Tetovë, Gostivar, Dibër, Kërçovë dhe Strugë.

• UEJL dhe USHT nënshkruajnë marrëveshje bashkëpunimi

  3 qershor 2010

  Universiteti i Evropës Juglindore dhe Universiteti Shtetëror i Tetovës, të mërkurën (26 maj 2010 ),  kanë nënshkruar marrëveshje bashkëpunimi për sfera që janë me interes të përbashkët. Marrëveshja është nënshkruar nga rektori i UEJL, akademik Alajdin Abazi dhe rektori i USHT, Prof. dr. Agron Reka.

• Dr. Ylber Sela në Pragë për zgjerimin e BE-së me shtetet e Ballkanit Perëndimor

  2 qershor 2010

  Dr. Ylber Sela – UEJL  dhe Dr. Vladimir Lame – Epoka University nga data 25 deri 30 maj, morën pjesë në Konferencën ndërkombëtare për shkencëtarë të rinj të organizuar nga Fakulteti Ekonomik dhe Fakulteti për Marrëdhënie Ndërkombëtare të Universitetit të Pragës.

• Dr. Benxhamin Kiting prezantoi punim për poezinë bashkëkohore irlandeze dhe Holokaustin

  1 qershor 2010

  Dr. Benxhamin Kiting, udhëheqës i Katedrës së anglishtes në Fakultetin e Gjuhëve, Kulturave dhe Komunikimit e ka prezantuar punimin me temë: “ Poezia bashkëkohore irlandeze dhe Holokausti” në konferencën vjetore të Asociacionit për Studime Franko - Irlandeze në Universitetin e Reims, , e cila u mbajt nga 28-29 maj 2010, në Francë.

• Studentët dhe stafi i "Juridikut" zgjerojnë horizontet evropiane!

  1 qershor 2010

   

  Studentët e Fakultetit Juridik të UEJL nën udhëheqjen e dekanit, Prof. dr. Ismail Zejneli, prodekanit Doc. dr. Jeton Shasivari dhe profesorëve Prof. dr. Asllan Bilalli dhe Prof. dr. Adnan Jashari, kohë më parë realizuan një vizitë studimore në Fakultetin Juridik të Bolonjës, ku janë pritur nga dekani profesor Stefano Kanestrari.  Me këtë rast, është prezantuar puna dhe organizimi i fakultetit, me theks të veçantë mënyra e mbajtjes së ligjëratave, ushtrimeve, provimeve, kolokviumeve, seminareve dhe aktiviteteve të tjera mësimore dhe hulumtuese.

• Rashid Emini mori pjesë në një konferencë ndërkombëtare në Durrës, Shqipëri

  1 qershor 2010

  Rashid Emini mori  pjesë në konferencën ndërkombëtare: “Sfidat e arsimit në botën globale: njohuritë, politikat dhe praktikat”, që u mbajt në Durrës, Shqipëri, nga 14-15 maj 2010. Konferenca u organizua nga Universiteti “Aleksandër Mojsiu” nga Durrësi.