Ali Pajaziti në Panairin e Librit “Tirana 2010”

Në kuadër të panairit tradicional të librit, që mbahet në Tiranë, më 13 nëntor 2010, Prof. Dr. Ali Pajaziti mbajti një kumtesë promovuese të librit të profesorit nga Universiteti i Tiranës, Enis Sulstarova “Në pasqyrën e Oksidentit: Studime dhe artikuj”, tw botuar nga Logos-A, Shkup, 2010. Autori nw kwtw vepër në mënyrë analitike dhe kritike trajton çështjen e homo albanicus-it dhe që në mënyrë origjinale shqyrton inxhinierinë politike dhe kulturore të shqiptarisë nga e kaluara deri më sot. Recensenti i kësaj vepre bashkë me prof. Lekë Sokolin nga Universiteti “Martin Barleti” vlerësuan lart këtë vepër për kontributin që jep në ndërtimin e një sociologjie reflektive dhe publike, që nga një perspektivë edwardsaidiane vatërzon orientalizmin shqiptar nga rilindasit deri te Kadareja, çështjen e (ç)mitizimit, amullinë përcaktimore, historicizmin shqiptar, etj.