Zyra e Burimeve Njerëzore

Misioni i Zyrës së burimeve njerëzore (ZBNJ), është përmbushja e qëllimeve në përputhje me Strategjinë e universitetit lidhur me kompetencat e zyrës.

Qëllimi i ZBNJ është furnizimi i universitetit me resurse adekuate njerëzore, gjithnjë duke u mbështetur në ligjet, Statutin, rregulloret dhe procedurat në fuqi. Në këtë kuadër bën pjesë edhe udhëheqja dhe menaxhimi i procesit të rekrutimit të stafit administrativ dhe zgjedhja në thirrjet mësimore shkencore të stafit akademik.

Në kuadër të Zyrës ushtrohen:

-Rekrutimi i stafit administrativ në bazë të Procedurës së rekrutimit
-Mbikëqyrja, procedimi dhe mbështetja gjatë procesit të zgjedhjes në thirrje mësimore shkencore e stafit akademik (në bazë të Rregullores për zgjedhje në thirrje)
-Përgatitja e rrogave dhe pagesave të tjera për të punësuarit dhe të angazhuarit në UEJL (Rregullorja e niveleve dhe pagave)
-Koordinimi i aktiviteteve me administratorin për zhvillim dhe trajnim lidhur me zhvillimin e stafit
-Organizimi dhe realizimi i procesit të evaluimit të stafit në bazë të procedurës për vlerësim
-Përgatitja dhe përditësimi i përshkrimeve të vendeve të punës
-Këshillimi dhe udhëzimi (Doracaku për stafin, Udhëzues për punonjësit e rinj), procedimi i ankesave të stafit (në bazë të Procedurës për ankimim).