Канцеларија за финансиска помош

            Канцеларијата за финансиска помош управува со сите финансиските пакети наменети за студентите на Универзитетот на ЈИЕ добиени преку донатори и од сопствени средства на Универзитетот.
            Како финансиски пакети на нашите студенти им се достапни:

-финансиска помош и стипендии,
-програмата „Работи и студирај“ и
-финансиско олеснување за вториот и за третиот студент од истото семејство.

Финансиска помош и стипендии

            Стипендиите претставуваат еден вид финансиска поддршка за студентите кои студираат на ЈИЕУ. Донаторите, компаниите, индивидуите, спонзорите и самиот Универзитет обезбедуваат грантови кои посебно се наменети за распределување на студентите во форма на школарина и како други финансиски олеснувања.

            Критериумите и деталите за секоја шема на стипендиите се даваат во соодветниот формулар за апликација и се доделуваат врз база на финансиската состојба на семејството на студентот (Need Based Scholarship) или по заслуга (Merit Based Scholarships).

Програмата „Работи и студирај“

            Како дел од пакетот за финансиска помош на студентите Универзитетот им овозможува вработување преку програмата „Работи и студирај“, според следниве услови:

- Платата на студентот не смее да ја надмине цената за плаќање на студиите.

- На ангажираните студенти им се овозможува да работат максимум 15 часа неделно;

- Изборот на студентите се врши врз основа на способностите и на покажаниот успех.

- Право да аплицираат за програмата „Работи и студирај“ имаат сите студенти, но предност им се дава на студентите кои докажуваат дека имаат финансиски потешкотии.

- Студентите не можат да бидат ангажирани на оваа програма последователно две години.

- Студентите кои користат стипендии немаат право да бидат ангажирани и за програмата „Работи и студирај“ во истата академска година.

Финансиско олеснување за вториот и за третиот студент од истото семејство

            Посебен елемент од пакетот за финансиска поддршка на студентите е и можноста за финансиско олеснување за вториот и за третиот студент од истото семејство:

* финансиско олеснување за вториот студент за 15% од школарина
* финансиско олеснување за третиот студент за 25% од школарината


            Дополнителни информации можат да се добијат во Канцеларијата за финансиска помош.