Албулена Халили учествуваше на годишната конференција на Институтот Алб-Шкенца

Албулена Халили учествуваше на годишната меѓународна конференција која се одржа во Тирана од 2-5 септември 2010 година. Таа го презентираше научниот труд со наслов „Европа после Лисабонскиот договор: надворешната политика на Европската Унија кон Западниот Балкан“. Апстрактот на овој научен труд е печатен во книгата на апстракти на Институтот Алб-Шкенца 2010.
На оваа конференција беа презентирани околу 700 научни трудови од околу 1.000 автори од Албанија, Косово, Македонија, САД , Германија, Австрија, Франција, Белгија, Шпанија, Кина, Грција, Италија, Канада, Кувајт, Холандија, Шведска, Швајцарија и Турција.
Институтот Алб-Шкенца е приватна иницијатива на албанските научници од дијаспората, кои заедно со научниците Албанци од Албанија, Косово и Македонија придонесуваат за функционирањето на овој институт.