Почеток »
Упис »
Студиски Програми

Програма:

Упрaвување и менаџмент во јавниот сектор (2026/2027)

Циклус на студии:	Втор циклус (Постдипломски)
Факултет:	Современи Општествени Науки

Код на програмата:	GMPS60
Академска година:	2023 / 2024
Титула:	Магистер на науки по упрaвување и менаџмент во јавниот сектор
ЕКТС:	60 (1 годинa) Aкредитација
Решение:	Решение за почеток со работа

Студиската програма „Управување и менаџмент во јавниот сектор“ има за цел да обезбеди високообразовни квалификации преку мултидисциплинарен пристап што ги интегрира јавната администрација, јавните политики, управувањето, правото и социоекономските науки. Преку современа наставна програма која ги поврзува теоретските знаења со практичните вештини, програмата подготвува кадри способни да се справат со комплексноста на управувањето во јавниот сектор, како и со современите предизвици поврзани со дигитализацијата, отчетноста, транспарентноста и доброто владеење.

Студентите се оспособуваат да ги разбираат и анализираат клучните принципи на јавниот менаџмент, административните процеси, креирањето и спроведувањето на јавните политики, како и улогата на јавниот сектор во современото демократско општество. Програмата поттикнува развој на истражувачки, аналитички, стратешки и управувачки компетенции преку активно учество во студии на случај, проекти и академски истражувања.

Како академска програма од втор циклус, таа претставува значаен чекор кон унапредување на капацитетите на јавниот сектор на национално и на регионално ниво, преку создавање професионален кадар подготвен да одговори на предизвиците во глобалниот, европскиот и локалниот контекст. Воведувањето на оваа програма е оправдано и неопходно, имајќи ја предвид зголемената побарувачка за квалификувани кадри способни да придонесат кон реформирање и модернизација на јавната администрација.

Преку студиската програма студентите се подготвуваат за:

- Управување и менаџирање во организационите системи во јавниот сектор;
- Да можат да ги применат професионални знаења во исполнувањето за менаџирање со процеси, човечки ресурси, буџети во институциите во јавниот сектор, невладиниот сектор и во приватните организации;
- Да развијат критичко мислење за бирократскиот модел и да поттикнат и да изградат капацитети за апликација на принципите на новиот јавен менаџмент во институциите во јавниот сектор;
- Да развијат компетенции за менаџирање на проектниот циклус, со посебен осврт на менаџирање засновано врз резултати и аплицирање на принципите на добро управување;
- Да бидат оспособени аналитички да ја развијат улогата на државата и јавната администрација во последниве децении во Република Северна Македонија и во државите во регионов;
- Да ги распознаваат современите трендови и дејствувања во државата во јавните институции и јавното менаџирање во земјите во развој и во развиените земји.
- Да можат да преземаат иницијатива за идентификување и за адресирање на потребите за учење за државните институции и јавната администрација;
- Да поседуваат компетенции вештини за стратешко планирање, акциони планови, пишување на апликации за предлог проекти, евалуација на проектите;
- Да поседуваат компетенции и вештини за стратешко планирање во јавниот сектор;

Знаење и разбирање

Има мултидисциплинарни знаења и разбирање на главните елементи на студирање во областа на јавната администрација и менаџирањето, правото, социоекономските науки;

Ги опишува и ги идентификува основните концепти, начелата, административните и законските процеси, теориите во јавната администрација, како што се оние поврзани со човечкото и институционално однесување, процесот на јавните политики, економијата во јавниот сектор и менаџирањето на јавните и невладините организации;

Ги разбира различните системи на јавната администрација - државната администрација, јавното менаџирање и интеракцијата на политичките институции и процеси, владините и административни политики;

Има знаења за процесите на интеграција во Европската унија од јавната и државната администрација и за институционалните аспекти.

Примена на знаењето и разбирањето

Ги применува знаењата кои се однесуваат на комплексната работа на државата и јавната администрација и применува соодветни правила и процедури;

Работи како државен службеник и административен службеник во нормативно и административни работи;

Менаџира институции од Јавен и невладин сектор;

Може да демонстрира способност да подготвува административни документи, да помага во планирањето и координацијата на меѓу институционалната работа, архивирање, регистрацијата на управни предмети преку употреба на информацискиот систем;

Апликација на финансискиот јавен менаџмент;

Пишува проекти и еваулуира проекти во јавен сектор и невладин сектор;

Применува професионални знаења во исполнувањето на работните задачи во институциите на државата и на јавната администрација, во приватните организации и граѓанскиот сектор.

Способност за проценка

Има способност да размислува критички и активно да се вклучува во тековните политичките прашања на централно и на локално ниво;

Реализира квалитативна анализа на процесот на јавни проекти;

Ги оценува проектите врз заедницата;

Проценува проекти во невладиниот сектор;

Ги разликува различните феномени поврзани со политичката култура на одредена заедница;

Критички ги споредува политичките тенденции во општествово и во државава;

Има влијание врз евроинтеграциските процеси во земјава.

Комуникациски вештини

Во состојба е да учествува во дебата, во посредување и во преговори, обезбедувајќи аргументирана анализа за политичкиот дискурс;

Поседува кохерентна способност за пишување на административни акти, предлог- проекти, анализи, концепт документ;

Покажува способност за професионална комуникација со повеќемина во тимска атмосфера и преку инклузивен пристап.

Вештини на учење

Може да ја дефинира и да ја утврди улогата на политиката за општество базирано на знаења;

Може да преземе иницијатива за идентификување нa интересите на групи и државни институции во рамките на процесот на јавни политики;

Има вештини да спроведе доживотно учење и само- едукација во областа на политички науки;

Способен е да ги обучува граѓаните за институциите во јавниот сектор и за демократското општество како и за невладиниот сектор.

Семестар 1

[MCDP1010] [6 ЕКТС] Методологија на истражување
Овој предмет е дизајниран за студенти кои се подготвуваат за изработка на магистерска теза. Главните цели на предметот е на студентите да им се нудат алатки за концептуализација на нивната теза во однос на изнаоѓање на истражувачко прашање и создавање на методи за прибирање на податоци преку и квалитативна и квантитативна анализа. Во фокусот на предметот се проблемите на квантитативните методи и техники, како што е статистичката анализа, текстови поврзани со теоријата и тестирање на хипотези. Потоа, од значење се и темите за дескриптивна и каузална интерференција, лонгитудинални, компаративни истражувања и студии на случај. Целта е анализирање на квалитативни податоци, финално ставање на сите теоретски и практични дејствија во функција на дизајнирање и пишување на тезата.
[CM138] [6 ЕКТС] Современи проблеми во јавните политики
Целта на предметот е да се разјаснат теориите на менаџирањето на јавниот сектор со фокус на класичните теории на бирократија па се до современите теории во контекст на јавната администрација. Посебно внимание ќе се посвети на организацијата, хиерархијата, авторитетот, координацијата, централизацијата и децентрализацијата, делегирањето и надзорот. Студентите ќе можат да ги препознаваат фундаменталните аспекти на јавниот менаџмент како научна област и како професија со што ќе бидат во состојба да направат анализа на активностите на владата од правна, менаџерска и политичка перспектива.
[CM299] [6 ЕКТС] Е-управување
Предметор има за цел да ги развие компетенциите на студентите за разбирање и критичко ангажирање со дигиталната трансформација на јавната администрација. Ги опремува студентите со знаење за анализа на модели на е-влада, креирање на стратешки дигитални политики и проценка на влијанието на дигиталните технологии врз испораката на јавни услуги, транспарентноста и вклученоста на граѓаните. Студентите ќе добијат интердисциплинарен увид во правните, административните и технолошките аспекти на е-владата и ќе се запознаат со клучни алатки како што се е-услуги, системи за дигитален идентитет и платформи за отворени податоци. По завршување на предметот, студентите ќе можат да ги оценуваат националните и меѓународните иницијативи за е-влада, да идентификуваат можности за дигитални иновации во јавниот сектор и да се справуваат со предизвиците поврзани со заштитата на податоци, етиката и инклузивноста. Тие ќе бидат способни да придонесуваат или да водат дигитални проекти во јавни институции, користејќи аналитички и практични вештини за поддршка на ефикасно, транспарентно и граѓански ориентирано управување.
[CM137] [6 ЕКТС] Напредено стратешко планирање
Во овој предмет се анализира ефективниот начин и современите модели на планирање во јавната администрација. Во фокусот на овој предмет се стратешкото управување во јавниот сектор, каде што ќе се анализира процесот на стратешко планирање, дефинирање на мисијата на организацијата, проценка на внатрешното и надворешното опкружување на организацијата. Ќе се идентификуваат стратешки прашања и стратегии во организацијата и студентите ќе научат како да ги имплементираат и проценат овие планови и стратегии.
[6 ЕКТС] Oпшт изборен
- [EM483] Евалуација на јавни политики: теории, модели и процеси
  По завршување на предметот студентите: Ќе можат да ги опишат клучните елементи и фази на евалуација на јавните политики; Ќе се запознаат со целта, логиката и контекстот во кој се реализираат евалуациите на јавните политики; Ќе можат да ги објаснат современите методи за евалуација на јавните политики; Ќе се здобијат со компетенции критички да ги анализираат евалуациите на постојните јавни политики; Ќе можат да дизајнираат и имплементираат евалуација на одредена јавна политика/програма како и да ги презентираат наодите на истата.
- [EM484] Етика во јавната администрација
  Цели на предметот се студентот да: - Стекне знаења и да ги разбира семантиката и концептите на етиката, стандардите на однесување, моралното расудување и моралната филозофија. - Развива став за позицијата на моралот во професионалниот живот. - Формира јасни ставови за правата и одговорностите на вработениот во јавната-државната администрација. - Има способност е да се соочи со етички проблематични ситуации. - Има чувство за карактерот кој се бара во професијата на администраторот. - Е запознаен е со литературата за етиката во сферата на јавната администрација. - Е подготвен е да употребува комуникативни алатки и да ги почитува етичките стандарди во работата со државните институции и јавните актери.
- [EM485] Циклус на менаџирање на проекти: напреден предмет
  По успешното завршување на наставата за предметот, студентите треба да бидат способни: - Да ги планираат активностите неопходни за реализација на проектот, да ја идентификуваат нивната меѓу зависност во поглед на времетраењето и трошоците. - Да ги подготвуваат потребните извештаи и да ја реализираат целокупната потребна комуникација меѓу проектот и клиентот, како и меѓу членовите на тимот и другите стејкхолдери. - Да го структурираат проектот со своите составни активности. - Да изработат Гантов и мрежен дијаграм на проектот и да го утврдат најкраткото време за реализација на проектот. - Да го користат софтверот МС Проект како алатка во процесот на планирање, имплементација и надзор врз проектот. - Да го дефинираат проектот, да ги идентификуваат неговиот обем и неговите цели, како и да развијат проектна спецификација.
- [EM487] Теории и практики на меѓународно управување
  Целта на предметот е студентите да го согледаат критичкиот преглед на главните процеси во системот на глобалното управување. Во фокусот на предметот е анализа на основните теории на глобалното управување. Студентите ќе имаат можност критички да ја испитаат конвенционалната мудрост и критички да го разберат глобалното владеење - во теорија и во практика.
- [MCPA2020] Јавен финансиски менаџмент
  Во рамките на предметот се анализира улогата на државата во економскиот систем. Овој предмет нè поттикнува да размислуваме за државата како субјект кој прибира даноци од физички и правни лица, ги распределува јавните приходи преку јавни трошоци, и регулира одредени аспекти од економската активност. Економистите генерално идентификуваат две основни причини за државна интервенција во економијата: • ефикасност (односно корекција на пазарните неуспеси) • правичност (односно подобра распределба на приходите и богатството) Предметот „Економија на јавниот сектор“ ги истражува влијанијата на јавните политики врз распределбата на ресурсите и приходите, како и врз целокупното економско функционирање. Посебен фокус се става на анализата на различни типови на пазарни неуспеси, кои служат како аргумент за државна интервенција, и се разгледуваат начините на кои јавните политики можат да придонесат за подобрување на пазарните резултати. Понатаму, во рамки на предметот се обработува регулирањето и управувањето со јавните претпријатија, како иклучните прашања поврзани со даночната политика, вклучително и нејзините економски, социјални и фискални импликации.
- [MCPA3010] Контрола на администрацијата
  Целта на овој предмет е студентите да стекнат знаења за општата дејност на административните органи, нивното функционирање и механизмите на контрола како институционален инструмент што обезбедува унапредување на работата и зголемување на професионалната одговорност на административниот кадар. Покрај основните компоненти кои ја претставуваат базата на изучувањето на овој предмет, се анализираат и разработуваат клучните аспекти преку кои се врши контрола врз дејноста на органите на администрацијата, како што се: судскиот систем, Народниот правобранител, органите во состав на министерствата (инспекторати) и законодавната власт. Исто така, детално се обработува и улогата на административните службеници со цел идентификување на прашањата што ја сочинуваат основата за функционирање на ефикасна и целосна административна контрола. Овој предмет претставува практична студија на сите овие компоненти на ефективното функционирање на административната дејност, особено на контролните механизми, со цел зголемување на ефикасноста и ефективноста во работењето.

Семестар 2

[MCPA4010] [30 ЕКТС] Магистерски труд
Целите на магистерскиот труд се: • Развивање на истражувачки вештини: Покажува дека студентот може да формулира истражувачки проблем, да дизајнира методологија, да собира и анализира податоци, како и да ги интерпретира резултатите. • Придонес кон знаењето: Треба да обезбеди нови сознанија, наоди или подлабоко разбирање на одредена тема во соодветната област. • Примена на теоретско знаење: Ги поврзува академските теории и концепти изучени во текот на студиите со реални или теоретски истражувачки проблеми. • Покажување критичко размислување: Студентот треба критички да ја оценува литературата, методите и наодите, а не само да ги опишува. • Подготовка за професионална или академска кариера: Развива компетенции корисни за понатамошни истражувања (докторски студии) или напредна професионална пракса. Накратко, магистерскиот труд е истовремено процес на учење и научен продукт што ја докажува подготвеноста на студентот за самостојна работа на напредно академско ниво. Понатаму, активноста има за цел да ги подобри истражувачките техники и стилот на пишување на магистерскиот труд, при што строго се почитуваат принципите на академски интегритет и се избегнува користење на неовластени средства, како што се плагијат и повреда на авторски права, кои се забранети со Статутот на УЈИЕ.