Пет универзитети од Албанија бараат искуство од УЈИЕ за основање центри за кариера

Посетата беше реализирана во средата (8 мај), при што делегацијата се сретна со ректорот на Универзитетот на Југоисточна Европа, проф. д-р замир Дика и со претставници на Центарот за кариера на Универзитетот. Во текот на средбата ректорот Дика го сподели искуството на УЈИЕ во врска со основањето на Центарот за кариера, прв на регионов, со предизвиците и неговата улога во студентскиот и универзитетксиот живот. Меѓу другото, ректорот покажа подготвеност да им помогне на албанските универзитети во насока на основање на центрите за кариера за кои УЈИЕ веќе развива професионални и докажани активности за студентите. Делегацијата го посети и Саемот за кариера, една од активностите која УЈИЕ ја реализира преку Центарот за кариера и кој многу универзитети од Албанија планираат да го остварат оваа година. Делегацијата на универзитетите од Албанија покажа интерес за реалната улога, соработката со стдуентите и за следењето на нивната кариера преку Центарот за кариера. Претставниците на делегацијата изразија задоволство од можноста ЈИЕУ да им овозможи на албанските универзитети да го сподели своето искуство, затоа што тие се на почетокот на основање на овие центри.