Pesë universitete të Shqipërisë kërkojnë përvojën e UEJL-së për krijimin e Qendrave të Karrierës

Vizita është realizuar të mërkurën (08 maj) gjatë së cilës delegacioni u takua me rektorin e Universiteti të Evropës Juglindore, Prof. Dr. Zamir Dika dhe përfaqësues të Qendrës së Karrierës të Universitetit. Gjatë takimit, rektori Dika, tregoipërvojën e UEJL-së në ngritjen e Qendrës së Karrierës, të parën në rajon, për sfidat dhe rolin e saj në jetën studentore dhe universitare. Në mes tjerash,ai u shpreh i gatshëm që të ndihmoj universitetet shqiptare në drejtim të krijimit të qendrave të karrierës për të cilët UEJL tashmë zhvillon aktivitete profesioniste dhe të dëshmuara për studentët. Delegacioni mori pjesë në Panairin e karrierës, i cili është njëri nga aktivitetet që UEJL realizon nëpërmjet Qendrës së Karrierës dhe që shumë universitete të Shqipërisë planifikojnë ta realizojnë këtë vit. Delegacioni i universiteteve të Shqipërisë u interesua për rolin real, bashkëpunimin me studentët dhe ndjekjen e karrierës së tyre nga Qendra e Karrierës. Përfaqësuesit e delegacionit u shprehën të kënaqur me mundësinë, që UEJL ua ofron universiteteve shqiptare për të ndarë përvojën, pasi ata janë në fillim të krijimit të këtyre qendrave.