Официјално започнаа 16 дена активизам против родово базирано насилство - Студентите од Правниот факултет во центарот на кампањата

Семинарот го отвори проф. д-р Арта Меро, која ја нагласи важноста од јакнење на студентите по правни науки во справувањето со дигиталното и со физичкото насилство врз жените и девојчињата. На оваа активност присуствуваа студентите, академскиот и административниот кадар, активистите, партнерските организации и универзитетите учеснички во ChallengeEU.

На настанот присуствуваа и ректорот на УЈИЕ, проф. д-р Садудин Ибраими, проректорот за планирање, истражување и претприемништво, проф. д-р Веланд Рамадани и советникот за односи со заедницата и за меѓународни односи, проф. д-р Беса Арифи, покажувајќи институционална поддршка во борбата против родово базираното насилство. Пет говорници презентираа клучни теми за психолошкото влијание, правната рамка, фемицидот, важноста на услугите за поддршка и личните перспективи на жртвите на насилство. На тема „Преродбата како чин на отпор: лични и академски перспективи за насилството врз жените“, презентираше Вилма Дуле, активистка и преживеана од родово базирано насилство. „Важноста на услугите за превенција и третман на родово базирано насилство за жртвите, сторителите и мажите во криза“, беше темата што ја презентираше Елизабета Божиновска, директорка на програмата, ХЕРА. Во однос на „Психолошките влијанија на родово базираното насилство и терапевтските интервенции за жртвите“, презентираше проф. д-р Хана Салиу од Универзитетот во Тетово.

Од Правниот факултет на УЈИЕ презентации имаа, проф. д-р Албана Метај-Стојанова на тема „Фемицид: Хроника на убиство со умисла“ и проф. д-р Ведије Раткоцери на тема „Кривична рамка за заштита од родово базирано насилство и приближување кон меѓународните стандарди“.

Беше истакната и улогата на Правната клиника „Емине Зендели“ во обезбедувањето примарна правна помош на жртвите и во практичната подготовка на студентите.

Преку оваа активност се обрна внимание дека за спречувањето на родово базираното насилство потребна е заедничка посветеност на институциите, универзитетите, организациите и самите студенти.

УЈИЕ и ChallengeEU остануваат посветени на тоа да бидат силен глас во одбраната на човековите права.