Панел-дискусија за подигање на свеста за ракот на дојка кај жените

Присутните ги поздрави деканката на Факултетот за здравствени науки, доц. д-р Данијела Војтикив - Самоиловска, која нагласи дека факултетот им дава посебно значење на активностите што ја подигнуваат свеста кај пошироката популација.

Во рамките на панелот, д-р Арѓенд Имери, специјалист по радиологија и супспецијалист за рак на дојка при Клиничката болница во Тетово, зборуваше за современите пристапи во скринингот и превенцијата на ракот на дојка.

Доц. д-р Илир Вела, специјалист по торакална и васкуларна хирургија, го претстави развојот на хируршките методи – од радикални третмани до онкопластична реконструкција – нагласувајќи ја важноста на хуманата и естетската грижа при лекувањето на жените.

Понатаму, д-р Вјолца Скендери, онколог специјалист во Одделот за онкологија при Клиничката болница Тетово, зборуваше за персонализираната онкологија и терапијата базирана на биолошкиот профил на пациентот, нагласувајќи ја улогата на мултидисциплинарната грижа. Настанот заврши со дискусија и сесија за прашања и одговори, каде што учесниците имаа можност да разменат мислења и да добијат стручни совети од експертите.