Explore Campus 360°
„Нашиов Универзитет ќе се развива врз три главни столба: Луѓе, Планета и Напредок, поткрепени со иновации. Најголемата предност на УЈИЕ се и ќе останат вработените. Ќе го унапредуваме професионалниот развој на кадарот, праведноста во напредувањето и активно ќе го поттикнуваме учеството во донесувањето одлуки. Само заедно можеме да изградиме иновативен, одржлив и влијателен универзитет во регионов и пошироко“, истакна ректорот Ибраими.
Тој ја нагласи важноста на академската трансформација преку модернизација на студиските програми, инклузивно учење и основање на Центар за доживотно учење и кариерен развој.
Презентирајќи ги стратешките приоритети, ректорот Ибраими посочи дека Универзитетот ќе се фокусира на создавање зелен кампус и промовирање на еколошка одржливост, дигитална трансформација, интернационализација на студиските програми, како и обезбедување финансиска стабилност и модернизација на инфраструктурата.
Како заклучок, ректорот Ибраими ја истакна солидната финансиска состојба на Универзитетот и позитивниот тренд на апликации за новата академска година, потенцирајќи дека е забележан јасен пораст во споредба со минатата година.
На крајот од своето излагање, тој изрази благодарност до поранешниот ректор, акад. проф. д-р Абдулменаф Беџети, за неговата работа и посветеност во консолидирањето на Универзитетот, при што упати повик за колективна ангажираност на вработените и студентите во претстојниот период.