Explore Campus 360°
Овој значаен настан беше организиран од Институтот за Либерална Алтернатива и Economics Fundamentals Initiative (EFI) од САД, во тесна соработка со УЈИЕ, како интегрален дел од Програмата за економско образование. Целта на олимпијадата е да ги зајакне и инспирира младите да истражуваат нови хоризонти во полето на економијата.
На отворањето на настанот, ректорот на УЈИЕ, акад. проф. д-р Абдилменаф Беџети, одржа поздравен говор во кој ја нагласи важноста на економското образование за праведно и одржливо општество. Тој, исто така, ја повтори заложбата на универзитетот за поддршка на младите таленти и иновацијата: „УЈИЕ останува силно посветен не само на обезбедување квалитетни студиски програми и стручен кадар, туку и на постојани услуги што ги следат неопходните трендови во современото образование,“ изјави ректорот Беџети.
По свеченото отворање, учесниците го полагаа писмениот дел од испитот, при што покажаа длабоки знаења и аналитички способности за актуелни економски прашања. Натпреварот продолжи со сесијата #EconlitX Talks – уникатна платформа што донесе инспиративни говори, идеи и успешни приказни од истакнати економисти, претприемачи и едукатори.
Врв на денот беше усниот дел од испитот, каде 10-те најдобри ученици се соочија со вистински предизвик на критичко размислување и економско аргументирање. Останатите учесници продолжија со втората сесија на #EconlitX Talks.
Во завршниот дел, инспиративниот говор на Рендал Фајлер, претседател на EFI, и Про-ректорот Ибраими ја нагласија важноста на инвестицијата во младите љубители на економијата како инвестиција во иднината на регионот и светот.
Настанот заврши со свечена церемонија на доделување награди, каде беа прогласени петте национални победници кои ќе ја претставуваат Северна Македонија на Меѓународниот круг на Економската олимпијада.