Ректорот Беџети на 15-годишнината на IBC-Митровица: Повик за регионална соработка во високото образование

Во својство на претставник на ректорите од регионот, ректорот Беџети одржа поздравен говор пред присутните, при што ја истакна важноста на интеруниверзитетската соработка на регионално ниво. Тој апелираше за поголема координација меѓу институциите за високо образование, подвлекувајќи ја потребата од оптимизација на ресурсите, избегнување на дуплирање на академската понуда и создавање регионални центри на извонредност во специфични научни области.

Во овој контекст, тој се осврна и на успешната соработка меѓу УЈИЕ и IBC-M, преку заедничкиот проект „STAND“, кој успешно беше завршен оваа година, придонесувајќи за зајакнување на академските и на истражувачките капацитети на двете институции.