Летна правна школа на УЈИЕ: „Ние, законот и правото“ – прозорец кон правната иднина за младите

Настанот го отвори проректорката за истражување и меѓународна соработка, проф. д-р Беса Арифи, а потоа поздравен говор имаше и доц. д-р Албана Метај-Стојанова, координатор на Правниот факултет и организатор на оваа активност. Таа ја истакна важноста на правното образование од најмала возраст за градење праведно и одговорно општество.

Предавања одржаа- проф.д-р Арта Меро, проф.д-р Беса Арифи, доц. д-р Албана Метај, како и одличните студенти од Правниот факултет, Ера Садику и Елиса Мурсели, кои споделија искуства, знаења и ги инспирираа младите луѓе со своите интерактивни презентации

Учениците активно се вклучија во дискусии за прашања од семејното, од кривичното и од граѓанското право, а на крајот на активноста им беа доделени сертификати за учество.

Оваа активност се реализираше во соработка со средните училишта во градовите Тетово и Гостивар, како што се: Гимназијата „Кирил Пејчиновиќ“, Економското училиште „8. септември“, Медицинското училиште „Никола Штејн“, Стручното училиште „Ѓоце Стојчески“, Земјоделското училиште „Моша Пијаде“, Гимназијата за земјоделство „Моша Пијаде“, Гимназијата „7. март“, Гимназијата и Економско училиште во Гостивар и Меѓународното училиште „Мариф“.

Летната правна школа е доказ за посветеноста на Правниот факултет да ги подготви младите луѓе со основни правни знаења и да ги всади во нив вредностите на правдата, еднаквоста и човековите права.