Се одржа тркалезна маса за платено политичко рекламирање на интернет- порталите за време на изборните кампањи

На овој настан учествуваа студенти, академски кадар и експерти од областа, кои дискутираа за предизвиците и за можните решенија за потранспарентен и пофер изборен процес.

Ректорот на Универзитетот на Југоисточна Европа, акад. проф. д-р Абдулменаф Беџети во воведниот говор ја истакна посветеноста на Универзитетот за поддршка на вакви општествено важни активности. „Ги учиме студентите колку е важно да има фер изборен процес“, рече тој.

За целта и важноста на оваа тркалезна маса говореше проф. д-р Мерита Зулфиу – Алили, деканка на Факултетот за современи општествени науки и Јоана Косма, директорка на ИФЕС во Северна Македонија.

Во главниот панел, д-р Сем Пауер, експерт за политичко и партиско финансирање и Владимир Георгиев, експерт за антикорупција и поранешен член на ДКСК, ги споделија своите анализи за актуелните предизвици и механизмите за зголемување на транспарентноста во политичкото рекламирање на онлајн медиумите.

Оваа тркалезна маса беше организирана во рамките на проектот „Пари, медиуми и избори во Северна Македонија“, финансиран од Владата на Обединетото Кралство и поддржан од Британската амбасада во Скопје.