COVID-19 Information and Protocol

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Се одржа втората меѓународна конференција за општествени науки и владеењето на право

Дали владите наоѓаат вистинска рамнотежа помеѓу јавното здравство и владеењето на правото, или одат многу подалеку? Ова беше едно од прашањата на кои научниците од различни универзитети од земјава и од регионов се обидоа да одговорат на Втората меѓународна научна конференција за правни и општествени науки, насловена како „Владеење на правото, управување и општество“, која се одржа во саботата (27.февруари, 2021 год.), на Универзитетот во Југоисточна Европа.

Конференцијата беше организирана од Правниот факултет и Факултетот за современи општествени науки на УЈИЕ.

Ректорот на Универзитетот на Југоисточна Европа, акад. проф. д-р Абдулменаф Беџети имаше воведно излагање во кое високо ја оцени улогата што академијата ја има во смисла на проучување на функционирањето на правото и владеењето за време на пандемијата.

Главни говорници на конференцијата беа: проф. Рудина Јасини, од Правниот факултет на Универзитетот во Оксфорд и проф. Анамарија Муса, од Правниот факултет на Универзитетот во Загреб. Деканот на Правниот факултет, проф. д-р Аднан Јашари и деканот на Факултетот за современи општествени науки, проф. д-р Мемет Мемети.

Конференцијата се одржа во четири сесии на кои беа презентирани научни трудови на теми како што се: „Владеењето на правото и човековите права во време на пандемија“, „Предизвици и можности за управување во ерата на пандемијата“; „Нова општествена нормалност“ и „Спроведување на правдата во времето на пандемијата“.

Учесниците на конференцијата презентираа научни трудови и демонстрираа добри практики на владеење на правото и управување во време на пандемија.

Google+