COVID-19 Information and Protocol

Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!

U mbajt konferenca e dytë ndërkombëtare për shkencat sociale dhe ligjore

A po e gjejnë qeveritë ekuilibrin e duhur midis shëndetit publik dhe sundimit të ligjit, apo po shkojnë shumë më larg?. Kjo ishte njëra nga pyetjet që studiuesit nga universitete të ndryshme të vendit dhe rajonit u përpoqën t’i japin përgjigje në Konferencën e Dytë Shkencore Ndërkombëtare të Shkencave Ligjore dhe Shoqërore, me temë “Rregulli i ligjit, qeverisjes dhe societetit”, që u mbajt të shtunën (27 shkurt 2021), në Universitetin e Evropës Juglindore.

Konferenca u organizua nga Fakulteti i Drejtësisë dhe Fakulteti i Shkencave Shoqërore Bashkëkohore i UEJL-it.

Fjalim mirëseardhje mbajti Rektori i Universitetit të Evropës Juglindore, Akad. Prof. Dr. Abdylmenaf Bexheti, i cili e çmoi lart rolin që po luan akademia në drejtim të studimit të funksionimit të ligjit dhe qeverisjes në kohën e pandemisë.

Folës kryesor të konferencës ishin: Prof. Rudina Jasini, nga Fakulteti i Drejtësisë i Universitetit të Oksfordit dhe Prof. Anamarija Musa, nga Fakulteti i Drejtësisë i Universitetit të Zagrebit. Fjalim rasti mbajtën dekani i Fakulteti të Drejtësisë, Prof. Dr. Adnan Jashari dhe dekani i Fakultetit të Shkencave Shoqërore Bashkëkohore, Prof. Dr. Memet Memeti.

Konferenca u mbajt në katër sesione, ku u prezantuan punime shkencore në temat si: “Sundimi i ligjit dhe të drejtat e njeriut në kohë pandemie”, “Sfidat dhe mundësitë e qeverisjes në epokën e pandemisë”; “Normaliteti i ri social” dhe “Administrimi i drejtësisë në kohën e pandemisë”.

Pjesëmarrësit në konferencë prezantuan punime shkencore dhe treguan praktika të mira të sundimit të ligjit dhe qeverisjes në kohë pandemie.

Google+