Излезе од печат книгата „Социолошки речник“ на авторот Али Пајазити

Во речникот се дадени основни информации за секој социолошки концепт. Речникот ги објаснува и илустрира разните варијации на зборови или дадениот социолошки концепт со референции од одреден автор. Тој ги толкува разните варијации и нивната употреба. Авторот не е фокусиран само на неколку социолошки концепти, туку се придржува до принципот, со кој Џон Скот и Гордон Маршал автори на “Oxford Dictionary of Sociology” (2005),  во воведот кажуваат:„Социологијата има едно јасно теоретско јадро, но и еден крајно неодреден периметар“.

      „Социолошки речник“ е дело кое одговара  на широк социолошки периметар и  како секоја наука е во постојан развој. Овој речник не им служи само на социолозите, студентите по социологија или на тие што се заинтересирани за оваа наука, туку  служи и на сите кои се заинтересирани и за  другите науки кои се поврзани со социологијата. Тука може да се најдат и зборовите кои имаат широка употреба  како и основните концепти на политичките науки, на психологијата, историјата, антропологијата и др.