COVID-19 Information and Protocol

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Универзитетот на Југоисточна Европа e рангиран на вторo место во Северна Македонија според „Вебометрикс“

Меѓународно реномираната веб-страница Вебометрикс, на последната листа објавена на крајот на јануари, го рангираше Универзитетот на Југоисточна Европа на второто место, меѓу најдобрите универзитети во Северна Македонија, веднаш по универзитетот во Скопје „Свети Кирил и Методиј“. Академските и научните перформанси на УЈИЕ исто така се докажуваат на регионално ниво, каде е рангиран на трето место веднаш по Универзитетот во Тирана и Универзитетот во Приштина и прв од сите албански универзитети со сличен статус но и од приватните.

„Нашиот универзитет, благодарение на работата на целиот кадар и особено академскиот кадар, континуитетот на реформите во одржување и зголемување на квалитетот, работењето со студенти и политиката на континуирани промени постигнува одлични меѓународни перформанси. Познавањето на нашата работа нè мотивира и нè поттикнува да работиме уште понапорно и сите заедно да постигнеме уште подобри резултати, во сите аспекти и особено во академската понуда и квалитетот на наставата. Универзитетот покажа адаптивна состојба и стана не само имплементатор на модели, туку и креатор и промотор на нови модели во високото образование “, вели ректорот акад. проф. д-р Абдулменаф Беџети.

Во споредба со 2016 година, кога УЈИЕ беше рангиран на 7741 место во светот, во 2020 година забележа голем од 3283 места и сега е рангиран на 4458 место, и највисоко рангиран универзитет во регионот според академските перформанси.

Универзитетот на Југоисточна Европа постигна позитивни резултати според сите показатели, почнувајќи од присуството, видливоста, бројот на цитати и објавувањето на научни трудови на академскиот кадар.

Универзитетот на Југоисточна Европа оваа година ќе ја одбележи 20. годишнината од основањето и во текот на овие години отсекогаш водеше политика на континуирано прилагодување кон меѓународните трендови на управување и квалитетна испорака на сите нивоа.

Рангирањето на Вебометрикс беше објавено на крајот на јануари 2021 година.

Google+