Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Глобалната компанија „Сименс“ го избра поранешниот студент на УЈИЕ, Блертон Зејнели

Блертон Зејнели е алумни од УЈИЕ, кој е избран од глобалната компанија „Сименс“ (рангирана во првите 500 глобални компании) за да работи како вонреден студент во одделот за маркетинг на оперативна единица „Дигитални индустрии“. Тој ги заврши студиите за информациски системи и менаџмент, понудени како заедничка програма на Факултетот за бизнис и економија од УЈИЕ и Лондонската универзитет за економија од Лондон. На крајот на студиите во УЈИЕ, Блертон беше избран меѓу најдобрите студенти од својата генерација. Во Сименс, тој беше избран од вработените во одделот за маркетинг на дигиталните индустрии, по транспарентен и високо конкурентен процес на селекција во кој учествуваат студенти од различни универзитети.

„Јас сум дел од одделот за маркетинг кој работи во рамките на глобалниот штаб на оперативната единица „Дигитални индустрии“ во градот Нирнберг, кој е еден од основните оперативни единици на „Сименс “. Работата на оваа позиција ми нуди не само уникатна можност да научам од искуствата и знаењето на разни германски и странски експерти, туку и можност да ги применам знаењата и вештините стекнати при решавање на различни предизвици и проблеми. Справувањето со нови задачи и соработката со различни луѓе од сите земји и области ми овозможија не само да научам повеќе, туку и да се придржувам кон глобалните трендови на деловното работење и технологијата“, вели Блертон Зејнели.

Студирањето на УЈИЕ ми овозможи искуство и вештини кои беа многу важни дури и при процесот на избирање за оваа позиција. Знаењето стекнато на овој Универзитет ми помага да решам многу предизвици со кои се соочувам додека работам, применувајќи ги знаењата и методологиите што ги научив за време на студиите.

„Додипломските студии по информациски системи и менаџмент на УЈИЕ ми понудија единствена можност да развијам знаење и вештини и во управувањето и во информатичката технологија. Тврдам дека дури и покрај предизвиците на високото образование во Северна Македонија, имав привилегија да имам прекрасни професори и предавачи, од кои многумина и со меѓународно искуство, кои имаат подготовка и волја да спроведат оригинално образование на новите генерации. Од моите професори на УЈИЕ не само што имав стручни предавања, туку научив и како да се справам со предизвиците во животот и кариерата“, вели Блертон.

Тој ги продолжи магистерските студии на Универзитетот во Нирнберг (ФАУ), Германија, каде му се дава можност да го прошири своето знаење, но и да може да направи споредби бидејќи е подготвен да се соочи со предизвикот на друг универзитет.

„И покрај многуте предизвици, основата на знаење и наставните методологии стекнати од додипломските студии на УЈИЕ ми помогнаа да бидам конкурентен и успешно да ги завршам сите академски заложби досега“, рече тој.

Блертн Зејнели на сегашните и на идните студенти на УЈИЕ им порачува да работат со посветеност и дисциплина за да ги изградат своите професионални капацитети, постојано предизвикувајќи се да се здобијат со нови вештини и знаења и да соработуваат едни со други и со нивните професори. „Верувам дека предизвиците на современиот свет не можат да се надминат само од добро обучени лица, туку добро обучени тимови кои работат заедно и се посветени на заедничките цели“ истакна тој.

Google+