Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Тимот на УЈИЕ победник на „Меморијалниот турнир - Арбен Џафери“

Тимот на кадарот на Универзитетот на Југоисточна Европа го освои традиционалниот „Меморијален турнир - Арбен Џафери“, што се одржа вчера (19.11.2019 година) во Спортската сала на Средното медицинско училиште. Турнирот беше организиран како дел од активностите за одбележување на 18-годишнината од основањето на Универзитетот. На овој турнир учествуваа четири екипи: „УЈИЕ“, „Општина Тетово - ЈКП“, „Еколог“ и тим составен од професори од средните училишта во Тетово.

Турнирот официјално го отвори претседателот на Одборот на УЈИЕ, проф. д-р Денис Фарингтон, кој изрази задоволство од учеството на екипите на овој турнир. Тој се наврати на моментот кога имаше предизвик во шаховската игра со Арбен Џафери и додаде дека не го прифати предизвикот бидејќи знаеше дека ќе изгуби.

Проф. д-р Веби Беџети зборуваше за важноста од одржувањето на овој меморијален турнир и за ликот на Арбен Џафери. Д-р Веби Беџети, рече дека покрај политиката, Арбен Џафери беше и човек кој го сакаше спортот и беше добар спортист.

Сите игри се одвиваа во празнична атмосфера, а по УЈИЕ екипата на „Еколог“ се најде на второто место, „Општина Тетово- ЈКП“ го освоија третото место и тимот составен од професори од средните училишта во Тетово го освои четвртото место.

На сите тимови кои учествуваа им беа доделени благодарници, пехари и медали.

Фото Галерија ->

Google+