Претставници на Канцеларијата за меѓународни партнерства од Универзитетот во Индијана во посета на УЈИЕ

Изготвувањето нов договор за соработка беше главната цел на Канцеларијата за меѓународни партнерства на претставниците на Универзитетот во Индијана, Суни Фас и Чарлс Рифснајдер, кои престојуваа на Универзитетот на Југоисточна Европа оваа недела (21-25 октомври 2019 година).

Претставниците од Универзитетот во Индијана остварија средби со ректорот на УЈИЕ акад. проф. д-р Абдулменаф Беџети и со членовите на Ректорскиот извршен тим. Тие се состанаа и со претставниците на Институтот „Макс ван дер Штул“, со претставниците на Бизнис-центарот за иновации -иновации, Студентскиот сервис, Центарот за кариера, и на Универзитетската библиотека. Тие имаа состаноци и со поранешните студенти од Универзитетот во Индијана, кои се вработени на Универзитетот на Југоисточна Европа.

Беше дискутирано за три главни теми кои ќе бидат основа на новиот договор, имено: разгледување на можноста за формирање центар за поддршка на истражувањето; формирање центар за иновации на наставните програми и интернационализација и зајакнување на капацитетите на Бизнис-центарот за иновации и на Центарот за кариера.

За време на овие состаноци, беа разменети информации за потребите на УЈИЕ во насока на интернационализација и проширување на капацитетите за истражување, како и за зајакнување на постојните капацитети за бизнис-иновации.

Се очекува да бидат преземени конкретни чекори откако претставниците од Универзитетот во Индијана ќе се вратат во САД и ќе продолжат со подготвување на конкретниот договор.

На последниот состанок, ректорот Беџети на американските колеги им врачи подароци со симболот на Универзитетот во знак на признание на нивниот личен ангажман.