Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Бујар Османи: УЈИЕ е главниот столб за експертиза во процесот на интеграција на Северна Македонија

„Вие како европски универзитет сте главниот столб за експертиза во процесот на интеграција на Република Северна Македонија во ЕУ“, рече заменик-премиерот за евроинтеграции на РСМ Бујар Османи во четвртокот (16. мај 2019 година) на предавањето за студентите на Универзитетот на Југоисточна Европа во Тетово, на тема „Интеграцијата во ЕУ“. Тој спомена дека претходно се сретнал со ректорот акад. проф. д-р Абдулменаф Беџети, со кого разговарале за ангажирање експерти како клучни ресурси во професионалните тимови, високо ценејќи ја стручноста на вработените на Универзитетот на Југоисточна Европа.

Заменик-премиерот Османи го презентираше и проектот на Секретаријатот за спроведување на Kонкурсот за најдобар есеј на тема „Со европско знаење до европската престолнина“, кој ќе се реализира на сите јавни и јавно-приватни универзитети, како што е УЈИЕ, при што од секој универзитет ќе се избираат по двајца студенти кои ќе ги посетат европските институции во Брисел и во Стразбур.

„Целосната интеграција на нашава земја во ЕУ не е опција, туку неопходен процес. Само интеграцијата во ЕУ може да го спречи масовното заминување на населението. Ова е иреверзибилен феномен, во смисла дека што поблиску е земјава до интеграцијата, толку повеќе стапката на имиграција се намалува и обратно“, рече ректорот Беџети во своето обраќање.

„ЕУ не треба да се колеба во процесот на проширување, бидејќи неодамнешните геостратешки случувања на Балканот покажуваат зголемување на политичките и на економските влијанија од земјите од Истокот, како што се Русија и Кина“ рече меѓу другото ректорот Беџети.

Во својство на предавач говореше и професорот Беким Нухиу, додека модератор на предавањето беше продеканката Арта Селмани.

Google+