COVID-19 Information

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Делегацијата на Универзитетот на ЈИЕ и Центарот за бизнис и иновации учествуваше во програмата за културна размена за наука и технологија во Универзитетот Ланжоу Џиотонг во Н.Р Кина

Од 22 до 25 април, делегацијата на Универзитетот на Југоисточна Европа од Северна Македонија по покана на Министерството за наука и технологија и Универзитетот Ланжоу Џиотонг во Народна Република Кина, во организација на Жан Гуџин, декан на Факултетот за меѓународно образование, учествуваше во програмата за културна размена наука и технологија, промовирана како серија на академски активности за размена во Универзитетот Ланжоу Џиотонг.

Делегацијата се состоеше од деканот на Факултетот за современи науки и технологии, вон. проф. д-р Адриан Бесими; проект менаџерот во Технолошкиот парк- м-р Висар Демири; вон. проф. д-р Бујар Рауфи и вон. проф. д-р Висар Шеху.

Со состанокот за академската размена претседаваше деканот Жан Гуџин. Ванг Хепинг, директор на Одделот за меѓународна соработка на Провинцискиот оддел за наука и технологија ја поддржа соработката и ја истакна важноста на ваквите активности во рамките на соработката 16 + 1" меѓу Кина и Северна Македонија. Директорот Ванг Хенинг рече дека Одделот за наука и технологија во провинцијата Гансу ќе продолжи силно да ја поддржува меѓународната соработка во научна и технолошка размена помеѓу Универзитетот Ланжоу Џиотонг и Северна Македонија, да ја поддржи заедничката изградба на заеднички лаборатории, центри за трансфер на технологија и други платформи за соработка и да промовира достигнувањата на научниот и технолошкиот развој и иновативната соработка.

На состанокот за академска размена, делегацијата имаше серија презентации на учесниците, професорите и студентите според нивните области на истражување и дискутираше за потенцијалните можности за соработка со кинеските колеги во разни области, како што се технологијата за транспорт, претприемачките иновации, е - трговијата и меѓународното образование. Во рамките на состанокот беа планирани и понатамошни активности за подобрување на размената на студенти и вработени.

Google+