Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Ректорот Беџети во УЈИЕ Скопје се сретна со холандскиот амбасадор Воутер Пламп

Ректорот на Универзитетот на Југоисточна Европа, акад. проф. д-р Абдулменаф Беџети, денес (25. април 2019 година) во Кампусот на Универзитетот на УЈИЕ во Скопје, се сретна со амбасадорот на Кралството Холандија, н.е Воутер Пламп. Ректорот Беџети го запозна амбасадорот Пламп со актуелните случувања и идните планови на Универзитетот, не само оперативните, туку и стратешките.

Во однос на меѓународниот развоен контекст на УЈИЕ, ректорот Беџети ја претстави потребата за поддршка со ресурси, искуства и меѓународни проекти, а неговата екселенција амбасадорот Пламп понуди конкретни можности за поддршка на академскиот кадар од холандските универзитети, конкретизирајќи ја можноста за соработка со Универзитетот Лејден, како и поддршката што NUFFIC ( Netherlands Universities Foundation for International Cooperation) може да ја даде како поддржувач на високото образование надвор од Кралството Холандија.

Ректорот Беџети му се заблагодари на амбасадорот Пламп за овие нови можности како продолжение на поддршката уште од основањето на Универзитетот, кој се уште е познат како Штулов универзитет. Холандија е и останува меѓу посебните поддржувачи на Универзитетот на Југоисточна Европа.

Google+