Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Студиска посета на студентите од Факултетот за СОН во јавните институции на Косово и во Албанија

Студентите и професорите на Факултетот за современи општествени науки (ФСOН), во четврток и петок (11-12 април), спроведоа студиски посети во јавните институции на Косово и Албанија. Меѓу академскиот кадар на факултетот во оваа студиска посета беа и претседателот на Универзитетскиот сенат - проф. д-р Јонуз Абдулаи и деканот на ФСОН - проф. д-р Мемет Мемети.

Студентите и професорите во Косово беа примени од премиерот на Владата на Република Косово - Рамуш Харадинај, кој во својот профил на Фејсбук во врска со оваа посета напиша: „Посебно задоволство е отворено да се дискутира со група предавачи и студенти од Универзитетот на Југоисточна Европа во Тетово (УЈИЕ), за актуелните политички околности во Косово и регионов, како и на нашиот заеднички пат - земјите од Западен Балкан кон интеграцијата во ЕУ“.

Делегацијата на Факултетот СОН за време на посетата во Косовското собрание оствари средби со шефот на пратеничката група на ААК - Ахмет Исуфи и со Заменик-претседателот на Комитетот за образование, млади и наука - пратеничката Теута Хаџиу. Додека за време на посетата на Универзитетот во Приштина беа примени од проф. д-р Дашамир Берзули - проректор за меѓународна соработка, како и со претставници на Американската стопанска комора на Косово.

Во Албанија, делегацијата на ФСОН го посети Албанскиот парламент, општина Тирана, Факултетот за општествени науки на Универзитетот во Тирана и Канадскиот институт за технологија, каде што беа примени од високи функционери од овие важни институции.

Целта на остварените посети и средби беше размена на искуства и перспективи за конкретна соработка, додека студентите имаа можност да се запознаат со начинот на кој функционираат и работат овие институции, споредувајќи ги знаењата што ги стекнале во текот на своите студии.

Google+