Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

УЈИЕ го презентираше софтверското решение и бизнис моделот за замена на стари грејни системи во домаќинствата со нови еколошки и финансиски ефикасни системи

„Бизнис енд иновејшн центар“ на Универзитетот на Југоисточна Европа го презентираше софтверското решение и бизнис моделот за инвестиции за замена на стари грејни системи во домаќинствата со нови. Целта е преку овој портал да се креираат индивидуални, енергетски и финансиски ефикасни решенија.

Ова софтверско решение беше презентирано (23. јануари 2019) на настан организиран од Технолошкиот парк на УЈИЕ во Тетово. На овој настан се презентираа резултатите од избраните проекти во рамките на јавниот повик за финансирање на проекти кој има за цел намалување на загадувањето на воздухот во урбаните средини и е насловен „О2 Предизвик“.

Претставниците на Технолошкиот парк во рамките на овој проект создадоа онлајн веб калкулатор, кој ќе направи споредби во однос на нивото на загадувањето во зависност од системот за греење што го користат семејствата. Во втората фаза од проектот ќе се создаде нов бизнис модел кој ќе обезбеди финансиско олеснување на домаќинствата кои ќе одлучат да купат еколошки системи за греење.

На овој настан, исто така, присуствуваа г. Јован Деспотовски - директор на Фондот за иновации и технолошки развој, заменик-министерот за животна средина и просторно планирање, г. Јани Макрадули и градоначалникот на Општина Тетово, г-ѓа Теута Арифи.

Во рамките на оваа активност, заменик-министерот за животна средина и просторно планирање Јани Макрадули оствари средба со ректорот на УЈИЕ, акад. проф.д-р Абдулменаф Беџети, каде што зборуваше за досегашната соработка и конкретизација на заеднички проекти во смисла на придонес кон намалување на загадувањето на воздухот. Ректорот Беџети зборуваше за важноста и за конкретните активности кои УЈИЕ ги реализираше за заштита на животната средина, со што стана првиот кампус во регионов со нулта емисија на јаглерод диоксид.

Google+