Експертот Прибе на УЈИЕ за одбележување на 9 Мај –Денот на Европа

За студентите, академскиот и администравниот кадар на УЈИЕ – како и за учениците од некои средни училишта во Општина Тетово, беше организирана панел-дискусија, на која почесен гостин беше проф. д-р Рајнхард Прибе. Проф. Прибе беше придружуван од професори од УЈИЕ , проф. д-р Блерим Река, доц. д-р Беким Нихија и проф. д-р Беса Арифи, кои со него дискутираа за важноста и историјата на овој ден, како и за аспирациите на Македонија и предизвиците за членството во ЕУ.

Ректорот на УЈИЕ, проф. д-р Замир Дика, и деканот на Правниот факултет, доц. д-р Емине Зендели, ги поздравија присутните.

Според ректорот Дика „На образованието треба да се гледа како на интегрален дел од економските и социјалните политики, но и како на инструмент за зголемување на конкурентноста на општеството и гаранција за осигурување социјалана кохезија и индивидуален развој на граѓаните.“

Исто така, во рамките на активностите за одбележување на овој ден проф. д-р Јетон Шасивари организираше натпревар во ораторство на кој се натпреваруваа нашите студенти и ученици од средните училишта од Тетово при што на сите учесници им беа доделени сертификати, а на победниците признанија и награди.

Победници на овој натпревар беа:

Прво место – Меирем Мифтари – студентка од трета година;

Второ место – Адем Јашари - ученик од Гимназијата „Кирил Пејчиновиќ“ и

Трето место - Гентијана Мустафа – студентка од трета година.

На крајот имаше коктел за сите присутни.