Летниот камп на УЈИЕ ги поврза матурантите, студентите и професорите на Кампусот во Тетово

Околу 160 средношколци од средните училишта во Македонија можеа да се запознаат со инфраструктурата, професорите, студентите и функционирањето на Универзитетот.

Од приближно 160 студенти кои учествуваа на кампот, 65 од нив останаа во студентските домови на УЈИЕ.

„ Ние во Извршниот менаџмент на УЈИЕ со задоволство ја поддржавме оваа иницијатива на Факултетот за бизнис и економија. На овој летен камп присуствува голем број студенти ентузијасти во нашиот кампус, кои имаат можност да присуствуваат на сесиите (предводени од нашиот академски кадар) на теми од образованието, технологијата и економијата на знаење“, истакна провостот од УЈИЕ, Ендру Гудспид.

„ Во рамките на кампот се реализираа различни обуки, во кои околу 12 професори предаваа за одредени предмети и на разни теми. Целта беше студентите да се запознаат меѓусебно во летниот камп, да се забавуваат и да имаат идеја за нивното понатамошно патување во изборот на насоката на студирање или на професијата “, истакна деканот на Факултетот за бизнис и економија, проф. д-р Изет Зеќири.

Кампот понуди можност да се дружат , а со темите што ги предаваа нашите професори тие беа позаинтересиерани за квалитетот, за академскиот профил и за професионализмот на Универзитетот.

Симболично, Летниот камп ги поврза тековните студенти на УЈИЕ и средношколците со цел да стекнат искуство и да им овозможат на дипломците од средно училиште да создадат пореална слика за Универзитетот и за тоа како студирањето тука би можело да ја развие нивната професионална кариера.