Годишниот Саем за кариера можност за вклучување на пазарот на трудот

Саемот за кариера формално го отвори ректорот проф.д-р Замир Дика, кој рече дека бизнисот во Европа секогаш функционирал најдобро кога бил во соработка со универзитетите и постојат голем број на достигнувања кои можат да се сметат како пример за заедничките достигнувања.

„Ова е причината зошто Европската комисија се обидува да го зголеми бројот на дипломирани студенти, да се подобри квалитетот на наставата и да ја доведе до максимум од она што високото образование може да направи за да му помогне на економијата на ЕУ“ истакна ректорот Дика.

Заменик-премиерот на Република Македонија за имплментација на Охридскиот договор, д-р Фестим Халили рече дека присутвото на Универзитетот го направило носталгично , бидејќи и тој е дипломец на овој Универзитет. Заменик-премиерот Халили пред многубројните студенти истакна„младите треба да бидат подготвени со релевантни вештини и знаења за да можат да се натпреваруваат и да просперираат на глобално ниво .“

Одговорната на Центарот за кариера на УЈИЕ, г-ѓа Бурбуќе Капроли рече дека Саемот претставува добра можност за студентите и потенцијалните работодавци да ги дискутираат можностите за вработување и да го промовираат вклучувањето на студентите како практиканти во нивните компании.

Околу 50 компании учествуваа на Саемот за кариера. Повеќето од нив ги презентираа нивните професионални активности и ја искористија можноста да воспостават контакти со студентите за можните ангажирања и вработувања.