Меморандум за соработка помеѓу Универзитетот на Југоисточна Европа и Министерството за правда на Македонија

Предмет на овој Меморандум за соработка е обезбедување на стручна поддршка од страна на Министерството за правда во оспособувањето на кадар за полагање на правосуден испит на Правниот факултет при Универзитетот на Југоисточна Европа во Тетово.

Министерството за правда се обврзува по потреба да обезбеди стручни лица од редот на вработените во Министерството за правда кои со свои стручни знаења ќе учествуваат во оспособување и подготовка на кандидатите за полагање на правосуден испит на Правниот факултет при Универзитетот на Југоисточна Европа во Тетово.

Министерството за правда по барање на Универзитетот на ЈИЕ ќе дава информации во однос на содржината на правосудниот испит како и сите измени односно дополнувања на законот за правосуден испит, начинот на полагање како и други важни прашања поврзани со полагањето на правосудниот испит.

Начинот на оспособување на кандидатите и сите други прашања во врска со одржување на предавања по однос на правосудниот испит ќе се уреди со акт на Универзитетот.