Проректорот Река учествуваше на меѓународна конференција во Тирана

Проректорот за меѓународни односи, проф. д-р Блерим Река учествуваше на конференција во Тирана на 27. и 28. ноември. Темата на конференцијата која се одржа на Универзитетот Њујорк во Тирана беше „ Транзицијата во ретроспектива: 25 години од падот на комунизмот“

На конференцијата учествуваа околу 300 истражувачи од целиот свет. Конференцијата ја отвори проф.д-р Клаус Офе, професор емеритус од Школата за управување Херти од Берлин и проф.д-р Мајкл Кенеди од Универзитетот Браун, САД. Исто така, поздравен говор имаше и ректорот на Универзитетот Њу Јорк, проф.д-р Фатос Тарифа.

Проф. Река го презентираше трудот „ Од пост-комунистички до нелиберлани елити на Западен Балкан и геополитичките последици“.Апстрактот од трудот беше објавен во книгата на апстракти од конференцијата и ќе се издаде како целосен труд во меѓународното списание „Глобални трендови“ во Париз, во март 2016 година.