Тим од ЈИЕУ добитник на награда на натпревар спонзориран од американскиот Стејт Дипартмент

Тим од ЈИЕУ составен од Вероника Карева и Кујтим Рамадани од Јазичниот центар, како и студентот Хусејн Идризи од Факултетот за компјутерски науки и технологии, беше селектиран да ја претставува Македонија на меѓународен едукативен натпревар во Будимпешта, од 4до 8 мај, каде ја освои првата награда од електронското гласање, меѓу 15 тимови од други држави. Натпреварот, организиран од американската јазична регионална канцеларија за Централна и Југоисточна Европа и спонзориран од Стејт Дипартментот, се состоеше од креирање на мобилна апликација за учење англиски која ќе содржи и елементи на социјална одговорност. Апликацијата за која тимот на ЈИЕУ доби награда се вика „Искажете го своето мислење“ и има за цел да ја подигне свеста кај тинејџерите од цел свет за протестирањето како начин на изразување на негодување или поинакво мислење, на соодветен, цивилизиран и демократски начин.