Explore Campus 360°
На средбата учествуваше и претседателот на Бордот на УЈИЕ, проф. д-р Денис Фарингтон, ректорот на УЈИЕ, проф. д-р Замир Дика, и други членови на раководството на УЈИЕ.
Проректорот за меѓународни односи на УЈИЕ, проф. д-р Блерим Река, зборувајќи за важноста на оваа средба и на присуството на г. Тачи, министер за надворешни работи на Косово, на УЈИЕ, рече дека г. Тачи е фактор без кого денес не се реализира ниту еден политички процес во Косово.
Учесниците во дебатата го прашаа заменик-премиерот на Косово за ситуацијата на Албанците тука и во Косово, како и за честите посети на албанските раководители од Албанија и од Косово во Македонија. „Природно е дека имаме усогласување на чекорите на владите на Косово и на Алабанија во рамките братската и институционалната соработка, но и на грижата за Албанците во Македонија, Прешевската долина и во Црна Гора. Ние денеска се согласивме за две значајни одлуки, седница на владите на двете земји и движење со лични карти, без пасоши“, рече Тачи.
Во текот на дебатата на УЈИЕ г. Тачи беше прашан од студентите за политичката ситуација во Македонија и за претставувањето на Албанците во Владата.
„Албанците тука се над 30%, не се малцинство, туку државотворни. Каква и да било влада што е против Албанците е влада против Македонија, зашто оваа држава нема иднина без соработка со Албанците или без нивното одобрување. Во врска со ситуацијата на Албанците, ние денеска сме подобри од кога и да било и треба да го направиме максимумот за да се искористи оваа позитивна клима“, рече Тачи.
Заменик-премиерот на Косово рече дека албанските лидери во Македонија треба да ги преместат партиските седишта во Скопје, за да бидат поблиску до донесувањето одлуки од оваа држава.