Explore Campus 360°
Во рамките на обуката се расправаше за следниве теми: Мониторинг и оценување на студентите, Системот на Универзитетот за колегијален мониторинг, Подобрување на успехот во вториот циклус на студиите и новите техники на предавање – и учење, Студентите во центарот на вниманието, Новите законски барања во високото образование итн.
Во своето обраќање ректорот на Универзитетот на Југоисточна Европа, проф д-р Замир Дика, се задржа на претставувањето на достигнувањата на Универзитетот, како и на прилагодувањето на Универзитетот на новите измени кои ги предвидува Законот за висоското образование.
„Поголемиод дел од промените е предвидено да бидат имплементирани од септември оваа година и Универзитетот треба да ги усогласи плановите и програмите со овие измени“, рече ректорот Дика.
„Универзитетот е подготвен во сите аспекти, но главниот предизвик останува одржувањето на стандардите и на мисијата на Универзитетот наспроти законските измени и општествените промени кои се случуваат во Македонија и во регионов“, рече ректорот Дика.
Вреди да се спомне и предавањето во врска со надгледувањето на валоризацијата на студентите на професорот емеритус од Универзитетот на Индијана, Бернд Фишер, кој се задржа на добрите американски и европски практики на оваа валоризација.
Обуките беа реализирани во посебни сесии, прилагодени на потребите на акедмскиот и на административниот кадар. За успешноста на овие обуки се погрижи извршниот советник за квалитет, Хедер Хеншоу.
Посебна обука се одржа за менаџирање на веб-страницата, а на оваа обука учествуваа авторизирани личности зaвеб-содржината на факултетите и на центрите.
Истотака се одржаа обуки и за начинот на употребата и запознавањето со новините на google drive, апликација која овозможува интеракција и неограничен простор за чување на јавните податоци.