УЈИЕ се потврдува како највисоко оценет универзитет во Северна Македонија во Times Higher Education Impact Rankings 2025

Најзначајниот резултат на УЈИЕ во ова рангирање е постигнат во категоријата SDG 4 – квалитетно образование, каде што универзитетот е рангиран во групата од 401–600 најдобри универзитети во светот. Во оваа категорија, Times Higher Education го оценува пристапот до квалитетно образование, социјалната инклузија, поддршката за студентите, доживотното учење и влијанието на универзитетот во образовниот систем. Со ова позиционирање УЈИЕ е најдобро оценет универзитет од Северна Македонија и универзитет на албански јазик со највисок ранг во регионов во оваа категорија.

УЈИЕ забележа значајни резултати и во други категории за одржлив развој, вклучувајќи ги родовата еднаквост, намалувањето на нееднаквостите, климатската акција, како и мирот, правдата и силните институции. Овие резултати се дел од методологијата на Times Higher Education Impact Rankings, со која универзитетите се оценуваат не само преку научните публикации, туку и преку нивното влијание во заедницата, поддршката за студентите, инклузивноста и придонесот кон 17-те Цели за одржлив развој на ОН. Во овој контекст, позиционирањето на УЈИЕ ја докажува континуираната посветеност на Универзитетот кон квалитетното образование, општествената одговорност и одржливиот развој, потврдувајќи ја неговата улога како институција која ја поврзува својата академска мисија со реалното влијание врз општеството и заедницата.

Важноста на овој резултат е уште поголема поради сè посилната глобална конкуренција. Во изданието на ова рангирање за 2025 година учествуваа 2.526 универзитети од 130 земји и територии, во споредба со 2.152 универзитети од 125 земји во 2024 година.

Посветеноста на УЈИЕ кон Агендата 2030 и Целите за одржлив развој дополнително се потврдува со неговото вклучување во Универзитетската коалиција SustainED. Оваа иницијатива е промовирана од Канцеларијата на постојаниот координатор на Обединетите нации во Северна Македонија. Коалицијата има за цел да ја зајакне улогата на универзитетите во спроведувањето на целите за одржлив развој преку образование, научни истражувања, иновации, ангажман на студентите и соработка со заедницата. Учеството на УЈИЕ во оваа платформа, заедно со постигнатите резултати на Times Higher Education Impact Rankings 2025, ја потврдува стратешката ориентација на универзитетот кон квалитетно образование, одржлив развој и градење на поинкузивно општество.

Линк: timeshighereducation.com/world-university-rankings/south-east-european-university