Programi:

Marketing (2012/2013)

Cikli i studimeve:	Cikli i dytë (Pasdiplomike)
Fakulteti:	Biznesi dhe Ekonomia

Viti akademik:	2023 / 2024
Titulli:	Magjistër i shkencave ekonomike / Drejtimi: Marketing
SETK:	60 (1 vit) Akreditimi
Vendimi:

Qëllimet e programit janë:

Ngritja e nivelit të administrimit dhe të udhëheqjes së ndërmarrjes dhe zhvillimi i menaxhmentit bashkëkohor;
Aftësimi dhe ndërtimi i menaxherëve të profilit bashkëkohor: sipërmarrës, të gatshëm të ndërmarrin aksione, por edhe rreziqe të cilat ndërlidhen me çdo iniciativë, fleksibilë, persona të vendosur dhe të guximshëm;
Arsimimi i menaxherëve me kualifikim të lartë dhe profesionistë me aftësi lideri dhe me dëshira për t’u ballafaquar me sfidat e mileniumit të ri;
Krijimi i menaxherëve me pikëpamje të reja dhe me mënyra të të menduarit, zhvillimi i aftësive për parashikimin e të ardhmes dhe pranimin e sfidave dhe mundësive, të cilat i ofron biznesi në shekullin 21.

Kandidatët do t’i fitojnë këto aftësi specifike: aftësi menaxhuese konceptuale, aftësi organizative, aftësi komunikimi, aftësi teknike (aftësi në TI), aftësi udhëheqëse, të menduarit kritik, aftësi inovative, zgjidhje problemi, aftësi për vendimmarrje, aftësi sipërmarrëse, shkathtësi për menaxhimin e reformave/ndryshimeve, të standardeve ndërkombëtare si dhe për etikën e biznesit. Të diplomuarit do të kenë njohuri të përgjithshme për mjedisin afarist dhe do të njoftohen me teoritë moderne të biznesit e menaxhmentit operativ. Kandidatët do të kenë njohuri nga lëmenjtë e menaxhmentit, të financave, kontabilitetit dhe marketingut, ekonomisë dhe informatikës afariste. Gjithashtu, do të jenë të vetëdijshëm për mjedisin e brendshëm afarist (aksionar, furnizues, blerës, teknologji, burime njerëzore) dhe për mjedisin e jashtëm afarist (klima makroekonomike, rregullativat, qeveria, faktorët politikë, demografikë, aspektet kulturore, institucionet ndërkombëtare (FMN), Banka Botërore, BE, OTB.

Njohuritë dhe të kuptuarit

Llogaritja e agregatëve themelorë makroekonomikë dhe analiza kritike е politikave aktuale makroekonomike.
Dhënia e mendimit kritik për politikat zhvillimore dhe për aplikimin e tyre në ekonominë kombëtare.

Aplikimi i njohurive dhe të kuptuarit

Aftësi për të diagnostifikuar zhvillimet aktuale të tregut, për të parashikuar tendencat e këtyre zhvillimeve dhe për të analizuar efektet e masave të politikës ekonomike mbi lëvizjet e tregut.

Aftësitë për të vlerësuar

Të jenë në gjendje të përfshihen në pozita udhëheqëse në organizatat fitimprurëse dhe jofitimprurëse në vend dhe nëpër botë.
Analiza e proceseve të përgjithshme të zhvillimit ekonomik në botë dhe veçanërisht në proceset e tranzicionit, rajonalizimit dhe globalizimit të trendeve botërore ekonomike.

Aftësitë e komunikimit

Mundësia e zhvillimit të aftësive personale, të komunikimit, të hulumtimit dhe për të fituar aftësi të tjera të rëndësishme të cilat janë të nevojshme për punësim.
Mundësia që studentët në mënyrë aktive të angazhohen në ligjërata dhe të kryejnë hulumtime të pavarura në të gjitha fushat e biznesit dhe të ekonomisë.

Aftësitë e të mësuarit

Zhvillimi i konceptit i të menduarit kritik të studentëve.
Mundësia e përvetësimit të aftësive hulumtuese dhe e përvojës për menaxhim, marketing dhe financa publike, në organizatat private dhe jofitimprurëse.

Semestri 1

[6 SETK] Metodologjia e hulumtimit
Metodat sasiore dhe cilësore të studimit dhe aplikimi i tyre në studimet e ekonomisë dhe të biznesit, anketat dhe analiza e tyre, studimet e rastit, analizat regresive, shfrytëzimi i softuerit statik si SPSS dhe Mikrofiti.
[6 SETK] Menaxhimi i marketingut
Qëllimi i lëndës është që studentët t’i pajisë me dijе në lidhje me udhëheqjen e aktiviteteve të marketingut, me rrethin e marketingut dhe rëndësinë që ka në procesin e punës në organizata, me elaborimin e politikës së produktit, të çmimeve, distribuimin, promovimin, si dhe vendimmarrjen, të cilën e bëjnë menaxherët në lidhje me këto politika. Gjithashtu, elaborohen strategjitë, të cilat i shfrytëzojnë menaxherët, si dhe pasojat nga ato strategji, planifikim – marketingu, marketing – taktikat dhe marketing – kontrollet.
[6 SETK] Kërkimet e tregut
Studimi i nevojave të informacioneve të marketingut dhe burimeve përfshin grumbullimin dhe zgjerimin e të dhënave primare dhe sekondare. Përveç kësaj këtu bie edhe përkufizimi i problemit, dizajni i studimit, teknikat provuese, grumbullimi dhe analiza e të dhënave, pastaj pasqyra e përgjithshme e metodave për matjen e reagimeve të klientëve, për karakteristikat e projektit, efektivitetin e reklamimit dhe devizat tjera promovuese.
[6 SETK] Lëndë zgjedhore 1
- Маrketingu i shërbimeve
  Qëllimi i lëndës është të prezantohen aspektet teorike dhe aplikative të marketingut, si p.sh përkufizimet e marketingut, të shërbimeve, karakteristikat të cilat ndikojnë në shërbime, strategjitë e marketingut për kompanitë shërbyese të orientuara në përmirësimin e cilësisë së shërbimeve etj.
- Dizajni dhe menaxhimi i produktit
  Qëllimi i lëndës është t’i përgatisë studentët të përdorin dhe t’i menaxhojnë teknikat e metodat për hartimin dhe kontrollin e produkteve dhe të shërbimeve dhe të jenë në gjendje t’i aplikojnë ato në kompanitë e biznesit. Si objektiv i këtij kursi do të jetë analizimi i: * Kapacitetit prodhues, vetë-përcaktimit të qendrës së prodhimit dhe sistemit të njësive të produkteve dhe të shërbimeve; * Planifikimit agregat të prodhimit dhe orari i tyre; * Monitorimit dhe kontrollit të procesit të prodhimit; * Parashikimit të nevojave; * Menaxhimit të inventarit; * Programit të prodhimit. * Kualitetit të prodhimit; * Menaxhimit të efikasitetit të ndërmarrjes; * Menaxhimit të ekonomisë;
- Menaxhmenti operativ
  Qëllimi i lëndës është që studentët të fitojnë njohuri dhe të jenë në gjendje të: * Përgatisin dhe të marrin vendime për prodhimet dhe shërbimet. * Përgatisin dhe të marrin vendime lidhur me kontrollimin e prodhimeve dhe të shërbimeve. * Gjejnë një qëndrim të përshtatshëm për zgjidhjen e çdo situate lidhur me çështjen komplekse të prodhimit dhe të shërbimeve. * Përgatisin dhe të marrin vendime në mënyrë që të krijojnë kushte për prodhim dhe për shërbime.
- Menaxhimi i sistemeve të informacionit
  Në kuadër të kësaj lënde do të jenë të përfshira tema nga fusha e profitit, përpunimit dhe shfrytëzimit të informacioneve nga ana e organizatave. Qëllimi do te jetë i vendosur në vetë rëndësinë e informacionit për menaxhim në organizatat bashkëkohore. Teknologjitë e informacionit do të jenë të përfshira, por megjithatë vetëm nga aspekti i rolit të tyre për përpunimin e informacioneve të organizatës, respektivisht për mbështetjen e procesit gjithëpërfshirës në udhëheqjen e informacionit. Në këtë kuadër, do t’u kushtohet kujdes aspekteve vijuese: hyrjes në sistemin e informacioneve të menaxhmentit, tipave bazikë në sistemin e informacioneve të menaxhmentit, teknologjisë së informacioneve, sistemit të informacioneve të menaxhmentit dhe ndërtimit të sistemit të informacioneve në organizata.
[6 SETK] Lëndë zgjedhore 2
- Маrketingu i shërbimeve
  Qëllimi i lëndës është të prezantohen aspektet teorike dhe aplikative të marketingut, si p.sh përkufizimet e marketingut, të shërbimeve, karakteristikat të cilat ndikojnë në shërbime, strategjitë e marketingut për kompanitë shërbyese të orientuara në përmirësimin e cilësisë së shërbimeve etj.
- Dizajni dhe menaxhimi i produktit
  Qëllimi i lëndës është t’i përgatisë studentët të përdorin dhe t’i menaxhojnë teknikat e metodat për hartimin dhe kontrollin e produkteve dhe të shërbimeve dhe të jenë në gjendje t’i aplikojnë ato në kompanitë e biznesit. Si objektiv i këtij kursi do të jetë analizimi i: * Kapacitetit prodhues, vetë-përcaktimit të qendrës së prodhimit dhe sistemit të njësive të produkteve dhe të shërbimeve; * Planifikimit agregat të prodhimit dhe orari i tyre; * Monitorimit dhe kontrollit të procesit të prodhimit; * Parashikimit të nevojave; * Menaxhimit të inventarit; * Programit të prodhimit. * Kualitetit të prodhimit; * Menaxhimit të efikasitetit të ndërmarrjes; * Menaxhimit të ekonomisë;
- Menaxhmenti operativ
  Qëllimi i lëndës është që studentët të fitojnë njohuri dhe të jenë në gjendje të: * Përgatisin dhe të marrin vendime për prodhimet dhe shërbimet. * Përgatisin dhe të marrin vendime lidhur me kontrollimin e prodhimeve dhe të shërbimeve. * Gjejnë një qëndrim të përshtatshëm për zgjidhjen e çdo situate lidhur me çështjen komplekse të prodhimit dhe të shërbimeve. * Përgatisin dhe të marrin vendime në mënyrë që të krijojnë kushte për prodhim dhe për shërbime.
- Menaxhimi i sistemeve të informacionit
  Në kuadër të kësaj lënde do të jenë të përfshira tema nga fusha e profitit, përpunimit dhe shfrytëzimit të informacioneve nga ana e organizatave. Qëllimi do te jetë i vendosur në vetë rëndësinë e informacionit për menaxhim në organizatat bashkëkohore. Teknologjitë e informacionit do të jenë të përfshira, por megjithatë vetëm nga aspekti i rolit të tyre për përpunimin e informacioneve të organizatës, respektivisht për mbështetjen e procesit gjithëpërfshirës në udhëheqjen e informacionit. Në këtë kuadër, do t’u kushtohet kujdes aspekteve vijuese: hyrjes në sistemin e informacioneve të menaxhmentit, tipave bazikë në sistemin e informacioneve të menaxhmentit, teknologjisë së informacioneve, sistemit të informacioneve të menaxhmentit dhe ndërtimit të sistemit të informacioneve në organizata.

Semestri 2

[24 SETK] Punimi i magjistraturës
Pas dhënies së provimeve, studenti mund të fillojë me procedurën e paraqitjes, punimit dhe mbrojtjes publike të temës së magjistraturës. Studenti zgjedh mentorin, me udhëzimin e të cilit e përgatit aplikimin e tezës së magjistraturës. Aplikimi patjetër duhet të lejohet nga Këshilli mësimor-shkencor i fakultetit. Pas punimit të versionit final të tezës së magjistraturës, Këshilli mësimor-shkencor formon komision tre anëtarësh, i cili përgatit raport, me çka pranohet ose refuzohet teza e magjistraturës. Raporti pozitiv miratohet nga Këshilli mësimoro-shkencor dhe caktohet dita e mbrojtjes publike. Pas kryerjes me sukses të mbrojtjes studenti pajiset me diplomë – Magjistër i shkencave ekonomike / Drejtimi: marketing.
[6 SETK] Lëndë zgjedhore e lirë 1
- Menaxhimi total i cilësisë
  Qëllimi i lëndës është t’i aftësojë studentët që ta kuptojnë thelbin e menaxhimit total të cilësisë, rëndësinë dhe anët pozitive të shfrytëzimit. Në kuadër të kësaj lënde do të mësohet ajo se çka paraqet cilësi tek prodhimet dhe shërbimet, por edhe pasojat e cilësisë së dobët dhe përfitimet nga cilësia e mirë. Më tutje, do të mësohen drejtimet dhe teoritë e menaxhmentit të cilësisë së përgjithshme, duke filluar nga autorët klasikë, perëndimorë dhe japonezë. Lëndë e mësimit do të jenë elementet e menaxhmentit të cilësisë së përgjithshme. Do të analizohen teknikat më të rëndësishme të lidhura me menaxhmentin e cilësisë së përgjithshme dhe kriteret e nevojshme për shpërblimet më të rëndësishme të cilësisë në botë.
- Sistemi i distribuimit dhe shitjet
  Determinimi i sistemit bashkëkohor të shpërndarjes si instrument i marketingut, bartësit dhe format organizuese në shpërndarje, marrëdhëniet midis pjesëmarrësve në shpërndarje, faktorët të cilët ndikojnë në zhvillimin e shpërndarjes, rregullimi i sistemit të shpërndarjes dhe shitja, metodat dhe mënyrat bashkëkohore të shitjes. Do të jenë këtu, gjithashtu, edhe prezantimi i elementeve të tregut dhe institucionet e tij nga aspekti i ndikimit të tyre në realizimin e qarkullimit. Me rëndësi është edhe zgjedhja e lokacionit përkatës si faktor i realizimit të aktiviteteve të qarkullimit, por edhe shitja me shumicë dhe shitja me pakicë me të gjitha aspektet e rëndësishme të realizimit të aktiviteteve të tyre. Veç këtyre këtu janë edhe çështjet lidhur me harxhimet, marzhat – rabatin dhe formimin e çmimit të shitjes me pakicë, pastaj formulimi dhe zhvillimi i politikës tregtare, njohja praktike e teknikave të punës tregtare: puna furnizuese, depozituese, puna transportuese e të tjera.
- Kapituj të zgjedhur nga aplikacionet e TI për përpilimin e një punimi shkencor
  Qëllimi i kësaj lënde është: * T’u tregojë studentëve elementet teknike, strukturën e tekstit dhe dizajnin e një punimi shkencor. * T’u mundësojë studentëve të fitojnë njohuri më të thelluara dhe shkathtësi nga kapitujt e zgjedhur të aplikacioneve TI, që do t’u duhen për hartimin e punimeve shkencore e profesionale. * Zbatimi praktik i këtyre objektivave, gjatë hartimit të punimit individual shkencor.
- Aplikacione për përpunimin statistikor të të dhënave
  Qëllimi i kësaj lënde është: * T’u tregohen studentëve elementet teknike nga lëmi i statistikës: organizimi, përpunimi, zbatimi përmes analizave dhe publikimit të të dhënave. * T’u mundësohet studentëve të përfitojnë njohuri dhe shkathtësi të aplikacioneve për përpunimin statistikor të të dhënave. * Të zbatojnë në praktikë objektivat në përpunimin statistikor të të dhënave të marra nga pyetësorët, raportet, studimet shkencore dhe dokumentet tjera.