Explore Campus 360°
Делегација на Универзитетот од Истанбул предводена од ректорот, проф. д-р Јунуз Сојлет, придружен од проректорите и директорот на мрежата на болниците на овој Универзитет во вторник (16 јуни 2009 година), го посетија ЈИЕУ.Целта на посетата беше продлабочување на соработката меѓу двата универзитети и воспоставување на блиски контакти на соработка во конкретни области. Делегацијата на Универзитетот од Истанбул беше пречекана од ректорот на ЈИЕУ, академик Алајдин Абази, кој ги запозна гостите од Турција за образовните и инфраструктурните можности на нашиот универзитет.
ЈИЕУ е млад универзитет, кој за кратко време успеа да има влијание не само во регионов, туку и пошироко кај универзитетите од заедничкиот европски образовен простор, рече ректорот Абази.
Двајцата ректори ги разгледаа можностите на соработка во разни области, посебно во размената на академскиот кадар и студентите.
Делегацијата од Универзитетот од Истанбул беше импресионирана од можностите кои ги нуди ЈИЕУ. Тие имаа можност да се запознаат одблиску со работата на центрите, институтите и лабораториите кои функционираат во рамките на Универзитетот.