УЈИЕ го продлабочува партнерството со Амбасадата на САД преку алумни-мрежата

Во рамки на оваа соработка, УЈИЕ денес ги пречека г-ѓа Лаура Ѓурагиќ, одговорна за јавни работи во Амбасадата на САД и г. Газменд Илази, координатор за размена и алумни.

За време на посетата, претставниците на Амбасадата на САД се сретнаа со ректорот на УЈИЕ, проф. д-р Садудин Ибраими, проф. д-р Веланд Рамадани, проректор за истражување и претприемништво, проф. д-р Беса Арифи, советничка за односи со заедницата и за меѓународни односи, како и со проф. д-р Вели Креци, директор на Институтот „Макс ван дер Штул“.

Посебен дел од посетата беше средбата со алумните на УЈИЕ, кои претставуваат активна заедница со различни искуства во академски, професионални и програми за развој на лидерството поддржани од САД.

На средбата присуствуваа дел од алумни-заедницата, меѓу кои проф. Висар Шеху, проф. д-р Адриан Бесими, проф. д-р Блерта Абази Чауши и проф. д-р Агрон Чауши, учесници во програмата ХЕЛП на УСАИД, како и проф. д-р Мемет Мемети, кој бил ангажиран во иницијативи поддржани од УСАИД во областа на локалното управување и транспарентноста. На средбата учествуваа и директорката на Библиотеката „Макс ван дер Штул“, Елмедина Абдулаи ИВЛП, како и Едлира Палоши-Диша, учесничка во програмата Американски Совет на млади политички лидери – (American Council of Young Political Leaders -ACYPL).

Преку своите сведоштва и искуства, алумните споделија перспективи за влијанието што овие програми го имале врз нивниот академски и професионален развој, како и за можностите за создавање нови врски меѓу академската заедница, професионалците и партнерските институции.

УЈИЕ останува посветен во градењето меѓународни партнерства што создаваат конкретни можности за студентите, алумните и заедницата, дополнително зајакнувајќи ја меѓународната димензија на Универзитетот.