На презентацијата присуствуваа голем број студенти и членови на академскиот кадар на Универзитетот, кои имаа можност одблиску да ги слушнат ставовите на експертите од Светската банка за економските и образовните текови, како и за актуелните предизвици и перспективите за иднината.
Настанот го отвори проф. д-р Блерта Абази – Чауши, деканка на Факултетот за бизнис и економија, која ја истакна важноста на соработката на Универзитетот со меѓународните институции и нагласи дека присуството на експертите од Светската банка на УЈИЕ претставува значајна можност за академската заедница.
Во рамките на настанот, експертите од Светската банка ги споделија своите согледувања за актуелни прашања од областа на економијата и образованието, нудејќи анализи и сознанија засновани на нивното професионално искуство и истражувачка работа. По презентацијата следеше отворен разговор со академската заедница на УЈИЕ, во рамките на кој се дискутираше за теми од значење за економскиот развој, пазарот на трудот, образованието и предизвиците во областа на јавните политики.
Делегацијата на Светската банка ја сочинуваа Сања Мадзаревиќ Сујстер, виш економист; Стефани Кетл-Бродман, виш економист; Бојана Нацева, виш специјалист за образование; Марко Јосимовски, економист; Александар Стојанов, економист; Арлан Брукал, економист, и Анита Божиновска, виш асистент за надворешни односи во Светската банка.
Организирањето на овој настан на УЈИЕ ја потврдува важноста на соработката меѓу академските институции и меѓународните организации, создавајќи простор за дијалог, размена на експертиза и идеи, како и за поврзување на високото образование со економските и општествените текови.
Светската банка го претстави годишниот извештај и одржа дискусија со академската заедница на УЈИЕ
7 октомври 2026Експерти од Светската банка денес го претставија годишниот извештај и имаа дискусии со академската заедница на Универзитетот на Југоисточна Европа, на настан организиран од Факултетот за бизнис и економија при УЈИЕ.
Повеќе вести
- УЈИЕ одбележа 25 години од основањето со свечена церемонија и му ја додели титулата „Doctor Honoris Causa“ на академик Абдулменаф Беџети
- ChallengeEU организира кампања за подигнување на свеста за менталното здравје во рамките на 25-годишнината на УЈИЕ
- Правниот факултет на УЈИЕ организира VII Меѓународна научна конференција по правни науки – ISCLS ’26
- УЈИЕ изразува сочувство по повод смртта на проф. д-р Суло Хадери
- УЈИЕ и Институтот на овластени сметководители на Северна Македонија потпишаа Меморандум за соработка
- УЈИЕ и МАПАС потпишаа меморандум за соработка за унапредување на финансиската едукација и професионалната пракса
- Холандската амбасадорка во Северна Македонија, Озлем Џанел, одржа предавање на УЈИЕ на тема „Каков вид иднина сакате?“