COVID-19 Information

Login

Членовите на универзитетскиот кадар треба да ја употребат нивната Webmail сметка за да се најават на системот.

Универзитет на Југоисточна Европа
оживеј го знаењето!

Во УЈИЕ се одржа конференцијата Балкански Бенелукс – регионална економска интеграција

Во Центарот на Универзитетот на Југоисточна Европа во Скопје се одржа конференцијата насловена „Отворени пазари за Балкански Бенелукс - Регионална економска интеграција како одговор на економската криза “ организирана од Институтот за политички и за меѓународни студии во Скопје во партнерство со Австрискиот економски центар и со Универзитетот на Југоисточна Европа.

„Процесите за регионална интеграција претставуваат позитивна реакција кон неизбежните притисоци на глобализацијата. Современите трендови на интеграција водат до регионална економска интеграција и така придонесуваат за меѓународна економска отвореност. Притоа, кога зборуваме за развојните трендови, инструментите и балканските политики наспроти глобалните, тогаш треба да дејствуваме преку научен пристап за односите меѓу земјите од Европската унија, земјите кандидати и земјите во транзиција“, рече во своето воведно обраќање ректорот на УЈИЕ проф. д-р Замир Дика. Според него, овие конференции треба да бараат модели кои одговараат на регионалните економски развојни трендови , како потреба и одговор на модерните социјални и економски парадигми. Фактот дека можностите за развој на Балканот зависат од меѓународните и од домашните развои нѐ обврзува да преземеме конкретни делувања кон создавање и овозможување средина за странски инвестиции и за стандардизација на производите и на локалните капацитети. Зголемена доверба кон инвеститорите е многу важна за ревитализација на локалната економија. Стабилноста на овие економии е неопходна за влез во единствениот регионален пазар. Истовремено единствениот пазар придонесува за зголемување на конкурентноста во различни економски сектори и создава конкурентност на добрата и на услугите, рече меѓу другото ректорот Дика.
Меѓу многуте научни и политички личности кои присуствуваа на конференцијата, беше и принцот Михаил од Лихтенштајн.На оваа конференција зборуваа и други експерти како министерот за одбрана на РМ Талат Џафери, проректорот за истражување на Универзитетот на ЈИЕ, проф. д-р Блерим Река, директорот на Институтот за политички и меѓународни студии, Илбер Села, проректорот на УЈИЕ за претприемништво, Мирољуб Шукаров, претседавачот на европската даночна реформа и член на Одборот на AGREEI, Гунтер Фехлингер, поранешниот заменик-министер за интеграции во Владата на Албанија, Едмонд Хоџа, градоначалникот на Чаир, Изет Меџити, и др.

Google+