Предавање од амбасадорот Пол Волерс по повод 50-годишнината од атентатот врз претседателот Џон Ф. Кенеди

Амбасадорот на САД во Македонија, НЕ Пол Волерс, одбележувајќи ја 50- годишнината од атентатот врз претседателот Џон Ф. Кенеди рече дека му е драго што е дел од оваа угледна институција во која луѓето од различни етнички и културни средини имаат можност да се здобијат со знаења и со нови перспективи.

Предавањето се одржа во понеделник (25 ноември 2013 год.), пред студентите и пред кадарот на Универзитетот на Југоисточна Европа во Тетово .

Амбасадорот на САД одговори на голем број прашања од студентите , кои во главно се однесуваа на тековната политичка состојба во Македонија и во поширокиот регион.

Наследството од водството на претседателот Џон Ф. Кенеди се однесува на надежта, инспирацијата и слободата на нациите. Тој беше лидер кој продолжува да ги инспирира новите генерации лидери и студенти рече професорот за меѓународни односи и политички науки, проф.д-р Ветон Латифи.