Explore Campus 360°
Ректорот на Универзитетот на Југоисточна Европа, проф.д-р Замир Дика, рече дека сме почестени што г-ѓа Колинда Грабар-Китаровиќ го посети нашиот Универзитет.
„Ние како Универзитет придонесовме за идејата за евроатлантската интеграција и свесни сме за важноста од поддршката на членството на Македонија во овие процеси“, рече меѓу другото ректорот Дика.
„Ми претставува задоволство што денес сум на Универзитетот на Југоисточна Европа и се сретнувам со млади бистри граѓани кои ќе помогнат на вашата држава да ги надмине предизвиците со кои се соочувате на патот кон економскиот просперитет и општествениот напредок“, рече пред студентите г-ѓа Колинда Грабар-Китаровиќ. Таа исто така истакна дека „за Западниот Балкан евроатлантските интеграции се клучот за стабилните и демократските општества.“
Министерот за одбрана на Република Македонија, г. Талат Џафери, зборуваше за состанокот со г-ѓа Колинда Грабар Китаровиќ, истакнувајќи ја подготвеноста Македонија да биде полноправна членка на НАТО.
Советникот на ректорот Демуш Бајрами го цитираше претседателот на САД: „НАТО е вистински центар за партнерствата за безбедност и нема ниту една ваква институција во светот.“
По предавањето студентите и кадарот на Универзитетот имаа можност да постават прашања во однос на темата и севкупните евроатлантски перспективи на регионов.