Библиотеката „Макс ван дер Штул“ на Меѓународен симпозиум во Осло

Универзитетот на Југоисточна Европа беше претставен од вонр. проф. д-р Нухи Бесими (Факултет за современи науки и технологии – CST), проф. д-р Менан Селими (Институт „Макс ван дер Штул“), Линдита Мифтари, раководител на кампусот на УЈИЕ во Скопје, и Елмедина Абдулахи, раководител на Библиотеката „Макс ван дер Штул“.

За време на симпозиумот успешно беа претставени два значајни проекти на Универзитетот на Југоисточна Европа – AI @ SEEU и ChallengeEU, како и моделот на организација и функционирање на Библиотеката „Макс ван дер Штул“, заедно со искуствата од организацијата на меѓународниот симпозиум во Северна Македонија.

Во текот на презентациите и посетата, делегацијата имаше чест да биде придружувана од амбасадорот Дритон Кучи, чија поддршка ја нагласи важноста на меѓународната соработка во областа на образованието и библиотекарството.

Како дел од програмата, учесниците реализираа професионална посета на Националната библиотека во Осло, каде што се запознаа со практиките за зачувување, дигитализација и управување со библиотечните колекции. Делегацијата, исто така, оствари посета на Универзитетот во Осло и Универзитетската библиотека во Осло, при што беа разменети искуства и беа разгледани можности за понатамошна академска соработка.

Учеството на овој симпозиум придонесе за размена на искуства и зајакнување на меѓународната соработка во областа на дигиталното библиотекарство, отворената наука и дигиталната трансформација во високото образование.