Резидентната координаторка на Обединетите нации во Северна Македонија, Рита Колумбија, го посети УЈИЕ

За време на средбата се разговараше за нови можности за партнерство во областите на одржливиот развој, унапредувањето на квалитетното образование и зајакнувањето на институционалните капацитети. Ректорот Ибраими ја истакна подготвеноста на УЈИЕ да биде активен партнер во иницијативите на ООН насочени кон општествен развој, инклузија и иновации, притоа потенцирајќи ја значајната улога на Универзитетот како регионален центар за образование и истражување.

Г-ѓа Колумбија го оцени придонесот на УЈИЕ во промовирањето на демократските вредности, еднаквоста и повеќејазичното образование, нагласувајќи дека соработката со универзитетите е клучна за постигнување на целите за одржлив развој.