УЈИЕ учествува на Првиот форум за квалитет на Универзитетот „Св. Кирил и Методиј“ во Скопјe

На овој форум, Универзитетот на Југоисточна Европа го претставуваа ректорот, проф. д-р Садудин Ибраими, акад. проф. д-р Абдулменаф Беџети и извршниот советник за перформанси и управување со квалитет, доц. д-р Лулзиме Нуредини-Мехмеди.

УЈИЕ, од 2005 година, е првиот универзитет во земјава што воспостави и имплементира интегриран систем за квалитет, градејќи јасни стандарди за мерење и подобрување на академските и на институционалните перформанси. Денес, овој систем стана референтен модел во високото образование во Северна Македонија, одразувајќи ја посветеноста на Универзитетот кон извонредност, транспарентност и одржлив академски развој.

Учеството на УЈИЕ на овој форум ја потврдува улогата како лидер во областа на управувањето со квалитетот во високото образование и како институција која континуирано придонесува за подигнување на националните и на меѓународните стандарди на универзитетското образование.