Login

Anëtarët e stafit duhet të përdorin llogarinë e tyre Webmail për identifikim.

Universiteti i Evropës Juglindore
jetëso dijen tënde!



UEJL pjesëmarrës në Forumin e parë për Cilësi në Universitetin “Shën Kirili dhe Metodi” në Shkup

Më 27 tetor 2025, në Universitetin “Shën Kirili dhe Metodi” në Shkup, u mbajt Forumi i parë për Cilësi, me moton “Me cilësi drejt shkëlqimit”. Në këtë ngjarje morën pjesë përfaqësues të institucioneve të arsimit të lartë, përfshirë ministren e Arsimit dhe Shkencës, rektorë të universiteteve publike dhe private, përfaqësues të Agjencisë për Cilësi në Arsimin e Lartë, dekanë, senatorë, studentë dhe përfaqësues të komunitetit të biznesit.

Në këtë forum, Universiteti i Evropës Juglindore u përfaqësua nga Rektori, Prof. Dr. Sadudin Ibraimi, Akademik Abdylmenaf Bexheti dhe Këshilltarja Ekzekutive për Menaxhimin e Performancës dhe Cilësisë, Doc. Dr. Lulzime Nuredini-Mehmedi,

UEJL, që nga viti 2005, ka qenë universiteti i parë në vend që ka vendosur dhe zbatuar një sistem të integruar të cilësisë, duke ndërtuar standarde të qarta për matjen dhe përmirësimin e performancës akademike dhe institucionale. Sot, ky sistem është bërë model referimi në arsimin e lartë në Maqedoninë e Veriut, duke reflektuar përkushtimin e universitetit ndaj ekselencës, transparencës dhe zhvillimit të qëndrueshëm akademik.

Pjesëmarrja e UEJL-së në këtë forum e riafirmon rolin e tij si lider në fushën e menaxhimit të cilësisë në arsimin e lartë dhe si institucion që kontribuon vazhdimisht në ngritjen e standardeve kombëtare dhe ndërkombëtare të arsimit universitar.



Më shumë lajme

Google+